Mogerını Sırııa boıynsha Astana protsesiniń mańyzdylyǵyn aıtty

BRıÝSSELЬ. QazAqparat - Sırııanyń Idlıb provıntsııasyndaǵy shabýyl Sırııadaǵy atysty toqtatýdy baqylaý mehanızmi boıynsha Astana protsesi aıasyndaǵy jumystardy jalǵastyrý qajettigin kórsetti. Bul týraly EO Syrtqy ister jáne qaýipsizdik saıasatynyń joǵarǵy ókili Federıka Mogerını Sırııa boıynsha halyqaralyq donorlyq konferentsııa barysynda aıtty, dep habarlaıdy QazAqparat tilshisi. 

«Astanada Reseı, Túrkııa, Iran atqaryp jatqan mindettiń jedel qajet ekendigin Idlıbtaǵy shabýyl dáleldeı tústi. Bitimge kelýdi júzege asyrý tetigi barynsha salmaqty bolýy kerek jáne onyń kúnde buzylýyn toqtatý qajet», - dedi Mogerını. 

Buǵan deıin atalǵan halyqaralyq konferentsııa aıasynda BUU Bas hatshysy Antonıý Gýterrısh Astana protsesin qoldaýǵa shaqyrdy.

Eske sala keteıik, Brıýsselde Sırııa boıynsha eki kúndik halyqaralyq donorlyq konferentsııa ótti. Jıyn seısenbi bastalǵan. «Sırııa men aımaqtyń bolashaǵyna demeý» forýmyna EO, aımaq elderi, BUU syndy iri donorlar men Úkimettik emes uıymdarynan 70-ke jýyq delegatsııa qatysty.