Mobıldi aýdarymdardy balalardyń shotyna jiberýge bola ma

<p>ASTANA. KAZINFORM &ndash; Mobıldi aýdarymdardy balalardyń shotyna jiberýge bola ma jáne onyń barysy qalaı qadaǵalanady? Bul saýalǵa Qarjy mınıstrligi Memlekettik kirister komıteti tóraǵasynyń orynbasary Qaırat Mııatov jaýap berdi.</p>

Ortalyq kommýnıkatsııalar qyzmeti alańynda ótken baspasóz máslıhaty barysynda «Eger jeke kásipker balasynyń shotyna (uıaly telefonyna) kóp aýdarym jasasa, balanyń jeke deregi salyq organdaryna berile me? Tekseris júre me?» degen saýal qoıyldy.

«Bul jaǵdaıda aýdarym máselesin ekinshi deńgeıli bankter sheshedi. Al shekten tys aýdarym jasalǵany týraly aqparat bizge kelip tússe, onda baqylaýǵa alamyz. Meniń bilýimshe, zań boıynsha balalarǵa múlikke ıelik etýge shekteý joq, al kásipkerlik boıynsha bul másele ashyq kúıde qalyp otyr», - dep jaýap berdi Qarjy mınıstrligi Memlekettik kirister komıteti tóraǵasynyń orynbasary Qaırat Mııatov.

Onyń aıtýynsha, ár jaǵdaı boıynsha másele jeke qaralady.

Buǵan deıin mobıldi aýdarymdardy týys-tanystar arqyly qabyldaýǵa tyıym salynbaǵany týraly habarlaǵan edik. 

Odan bólek, Qarjy vıtse-mınıstri Erjan Birjanov mobıldi aýdarymnyń artyq tustary týraly aıtyp berdi.