Mobıldi aýdarym: Salyq kodeksine qandaı ózgerister engizilýi múmkin

<p>ASTANA. KAZINFORM &ndash; Qarjy mınıstrliginiń Memlekettik kirister komıteti mobıldi aýdarymdarǵa salyq salý bóliginde qarastyrylyp jatqan ózgertýlerge qatysty pikir bildirdi.</p>

«Qazirgi ýaqytta jeke tulǵalardyń banktik esepshottarynda júrgiziletin operatsııalardy Qazaqstan Respýblıkasy Premer-Mınıstriniń orynbasary – Qarjy mınıstriniń 2022 jyldyń 29 naýryzyndaǵy №323 buıryǵymen aıqyndalǵan kásipkerlik qyzmetti júzege asyrýdan kiris alý belgileri bar operatsııalarǵa jatqyzýdyń qoldanystaǵy ólshemsharttaryna ózgertýler engizý máselesi qarastyrylyp jatyr. Jeke kásipker retinde tirkelmeýge quqyǵy bar tulǵalardy alyp bastaý bóliginde qoldanystaǵy ólshemsharttarǵa ózgertýler engizý máselesi pysyqtalyp jatyr», - dep atap ótti komıtetten agenttiktiń resmı saýalyna oraı.

Ólshemshart boıynsha mynadaı redaktsııa usynylady: «Bir jeke tulǵanyń banktik esepshotyna úsh aı boıy jalpy somasy 3 eń tómengi jalaqydan asatyn aqsha qarajatyn aı saıyn ártúrli tulǵadan 100 jáne odan da kóp alýy».