Mobıldi aýdarym men aıyppul: Taksı júrgizýshileri salyqty qalaı tóleıdi

<p>Taksı júrgizýshileri salyq tóleýge mindetti. Bul týraly Almatynyń Memlekettik kirister departamentiniń ókilderi óńirlik kommýnıkatsııalar qyzmetinde ótken brıfıngide málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Almaty qalasy boıynsha Memlekettik kirister departamenti túsindirý jumystary jáne baılanys ortalyǵy basqarmasynyń basshysy Aıjan Bekeeva taksı júrgizýshileri salyqty qalaı tóleýi kerek ekenin aıtyp berdi.

«Eger adam taksı qyzmetin kórsetse, onda ol tıisinshe jeke kásipker retinde tirkelýi tıis. Siz taksı agregatorlary arqyly arnaıy qosymshalarda tirkele alasyz. Onyń óz paıyzdary bar. Siz e-Salyq Business nemese ıAndeks taksıde jeke kásipker retinde tirkelip, basqa áleýmettik tólemdermen birge aı saıyn 1 paıyz tóleı alasyz. Qazir salyq mindettemelerin oryndaý jeńildetildi. Esep berýdi tapsyrý da jeńildetilgen. QR-kodtardy ornalastyrý da qıyndyq týǵyzbaıdy», - dedi Almaty qalasy boıynsha Memlekettik kirister departamenti túsindirý jumystary jáne baılanys ortalyǵy basqarmasynyń basshysy Aıjan Bekeeva.

Sonymen qatar ol jol-jónekeı adam alyp ketetin kólik júrgizýshileri de salyq tóleýi tıis ekenin tilge tıek etti.

Memlekettik kirister departamenti jeke kásipkerler men jeke tulǵalardy ákimshilendirý basqarmasynyń basshysy Nurlybek Ýspanovtyń aıtýynsha, taksı júrgizýshilerine salyq rejımin qoldanýdyń arnaıy túrleri bar.

«Biz buǵan deıin aıtqanymyzdaı, salyq rejımderin qoldanýdyń arnaıy túrleri bar. Taksı júrgizýshileri úshin salyq júktemesiniń paıyzy nebári 1 paıyz bolatyn rejım óte yńǵaıly. ıAǵnı, adam bir aı boıy taksı qyzmetin kórsetip, 100 myń teńge tapsa, onyń 1 paıyz salyǵy – 1000 teńge. Oǵan qosa onyń áleýmettik tólemderi bar. Sonymen, bul qosymsha nesimen yńǵaıly? Kassalyq mashına qazirdiń ózinde ornatylǵan. Aı saıynǵy qyzmetti satyp alý, tóleý qajettiligi joǵalady. ıAǵnı, ol taksı qyzmetin kórsete alady, chekti elektrondy formatta jazyp, ony klıentke jibere alady», – dep atap ótti Nurlybek Ýspanov.

Departament ókilderi eger qolma-qol aqshasyz tólemderdi qabyldaýdan bas tartý faktileri bolsa, Memlekettik kiris organdaryna habarlaýǵa keńes berdi.