Mobıldi aýdarym máselesin qaıta qaraımyz – vıtse-premer
«Bul - óte ózekti másele. Sondyqtan maǵan ony taǵy bir ret qaraý týraly tapsyrma berilgen. Biz qarjylyq-ekonomıkalyq bloktyń ishinde bul máseleni qarastyramyz. Ólshemsharttaryn, tetikterin áli de egjeı-tegjeıli qaraımyz. Bul suraqqa qaıta oralamyz», - dedi ol Úkimet otyrysynan keıin jýrnalıst suraǵyna bergen jaýabynda.
Jaýapty tolyqtyrǵan Qarjy mınıstri Mádı Takıev mobıldi aýdarymdardy tekserý bári bir qalatynyn meńzedi.
«Mobıldi aýdarymdar qalady. Biraq áli qaraımyz. Jeke kásipkerdi qalaı anyqtaısyz? Taǵy da aıtaıyn, biz quqyqtyq memleketpiz. Ádiletti memleketpiz, durys pa? Siz ben biz osy zańnyń saqtalýyn qaraýymyz kerek. Bireýler tóleıdi, bireýler tólemeıdi. Ádildik bolý kerek. ıAǵnı, bári salyq tóleý kerek. Biraq árkimniń óz mólsheri bolatyny túsinikti.
Sondyqtan biz túrli rejımderdi qarastyryp jatyrmyz. Osy rejımder arqyly salyq júıesi qalaı jumys isteıtinin oılastyryp jatyrmyz. Bul bárin bir arnaǵa tyqsyryp tastaý degen sóz emes», - dedi mınıstr.