Mobıldik operatorlar óz saıttaryn memlekettik tilde qalaı júrgizýde

ASTANA. QazAqparat - Jurtshylyqtyń nazary qazaqstandyq uıaly baılanys operatorlarynyń «jarnama shaıqasyna» aýdarylmaı turyp, uıaly baılanys kompanııalarynyń qazaq tilindegi jarnamalyq ónimderine qatysty eskertýler az bolǵan joq. Uıaly baılanys operatorlarynyń til týraly zańdy saqtaýdaǵy taǵy bir aspektisine - kompanııalardyń korporatıvtik saıttaryna taldaý jasaýdy jón sanadyq.

«Qazaqtelekom» - ulttyq telekommýnıkatsııa operatory til týraly zańnyń talaptaryn 100 paıyz oryndaıdy. Sebebi, ol 100 paıyz memleketke tıesili, onyń korporatıvtik qujattary qyzmet salasyndaǵy ýákiletti organdarmen kelisilýi tıis. Alaıda onyń enshiles kompanııasy - «Altel» AQ-nyń memlekettik tildegi saıt nusqasynda «Kompanııa jaıynda» bóliminiń ataýy nelikten ekeni belgisiz, paraqshadan paraqshaǵa ótkende «Kompanııa týraly» dep ózgerip ketedi.

Basqarma tóraǵasynyń derbes blogyndaǵy paraqshada onyń kirispe sózi - orys tilinde. Sol bólimde «Lıtsenzııalar» paraqshasynda lıtsenzııalar men oǵan qoıylǵan qoltańba orys tilinde. «Seriktesterge» paraqshasynda Qazaqstannyń Damý bankiniń 4G ǵalamtor júıesine qoljetimdilikti engizý boıynsha jobany qarjylandyrý týraly aqparaty orys tilinde berilgen «Seriktesterge» paraqshasynyń ataýy paraqshanyń taqyrybynda ǵana oǵan ótkende kórsetilgen. Mázirde qazaqsha nusqada bul bólim «Partnery» dep atalady (maǵynasy sáıkes kelmeıdi: seriktesterge - partneram) Aıtqandaı, «Eski nusqa» (staraıa versııa) siltemesine ótkende saıttyń eski nusqasy orys tilinde ashylady. Beeline mobıldik baılanys operatorynyń saıtynda basty bet - memlekettik tilde. Alaıda «Kompanııa týraly» bólimde Paraqshanyń tómengi jaǵynda tolyqtaı orys tilindegi derektermen «ıÝrıdıcheskıı adres» azat joly tur. Qazaq tilindegi «Internet dúken» máziri bólimine kirgende jańa terezede «Vybor nomerov Beeline» beti paıda bolady, ol tolyqtaı orys tilinde. (https://nomer.beeline.kz/).