Mobıldi HQO Rıdderde órtten zardap shekkenderdiń qujatyn rásimdeýge kómektesýde

RIDDER. QazAqparat - Mobıldi HQO-lar Rıdderde órtten zardap shekkenderge kómek kórsetedi, dep habarlaıdy QazAqparat.

«Azamattarǵa arnalǵan úkimet» memlekettik korporatsııasynyń Shyǵys Qazaqstan oblysy boıynsha fılıaly Rıdder qalasyndaǵy órtten zardap shekkenderdiń qujattaryn qalpyna keltirýge kómektesýde.

Atap aıtqanda, mamandar turǵyndarǵa qajetti elektrondyq anyqtama alýǵa, qujattardy qalpyna keltirýge ótinish qabyldaýǵa qol ushyn berip jatyr.

Qajet bolǵan jaǵdaıda, memlekettik korporatsııa qyzmetkerleri kóshi-qon qyzmeti basqarmasymen jáne basqa da memlekettik organdarmen jedel túrde ózara baılanys ornatady.

«Bizdiń oblys ortalyǵyndaǵy qyzmetkerlerimiz birden evakýatsııalaý ortalyǵyna baryp, oqıǵa bolǵan orynda halyqqa keńes berip, túsindirme jumystaryn júrgize bastady. Biz rıdderlikterge qujattardy jedel túrde alýǵa kómektesemiz. Jyljymaıtyn múlikke, jeke basyn kýálandyratyn barlyq qujat tegin resimdeledi», – dep túsindirdi memlekettik korporatsııanyń basqarma tóraǵasy Ádil Qojyqov.

Búginde zardap shekkenderdiń keıbir bóligi qujat kóshirmesin aldy.

HQO mamandary rıdderlikterge qujattardy qalpyna keltirýge kómektesip jatyr.

Esterińizge sala ketsek, 10 mamyr kúni ShQO-daǵy Rıdder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty.

Órtke baılanysty shuǵyl jeli iske qosyldy.

Memleket basshysy Qasym-Jomart Toqaev Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.

Polıtsııa qyzmetkerleri órtke qatysy bar kúdiktini ustady.