MNU respýblıkalyq olımpıada jeńimpazyna oqý grantyn syılaıdy

<p>ASTANA. KAZINFORM &ndash; Maqsut Narikbayev University 11 jáne 12 synyp oqýshylaryna, kolledj túlekteri men magıstratýra baǵdarlamalaryna túsetin úmitkerlerge arnalǵan M. Narikbayev Scholarship atty respýblıkalyq olımpıadasynyń bastalǵany týraly habarlady. Olımpıada úsh kezeńnen turady jáne daryndy talapkerlerge ýnıversıtettiń bilim berý baǵdarlamalary boıynsha oqý grantyn utyp alýǵa múmkindik syılap otyr.&nbsp;</p>

Bakalavrıat úshin M. Narikbayev Scholarship olımpıadasynyń kezeńderi:

1. Tirkelý jáne motıvatsııalyq hat – bul olımpıadaǵa qatysýdyń alǵashqy qadamy, onda qatysýshylar osy ýnıversıtette bilim alýǵa degen qyzyǵýshylyǵy men maqsattary týraly tanystyrý kerek.

2. Testileý – USTUDY Aımaqtyq testileý ortalyqtarynda oflaın formatta ótkiziledi jáne qatysýshylardan beıindik pánder boıynsha bilimderin kórsetý talap etiledi.

3. Suhbattasý – úmitkerler ózderiniń jeke qasıetterin jáne tańdalǵan baǵdarlama boıynsha oqýǵa degen yntasyn aıqyndaı alatyn sońǵy kezeń.

M. Narikbayev Scholarship úmitkerleri qabyldaý komıssııasyna tańdalǵan bilim berý baǵdarlamasynyń shekti baldaryna sáıkes keletin UBT sertıfıkatyn, shet tilin bilý deńgeıin rastaıtyn sertıfıkatty usynýy kerek. Sonymen qatar Joǵary quqyq mektebiniń baǵdarlamalary úshin Qaztest nátıjelerin jáne belgilengen talaptarǵa sáıkes motıvatsııalyq esse jazýy qajet.

Magıstratýraǵa arnalǵan M. Narikbayev Scholarship olımpıadasynyń kezeńderi: 

1. Tirkelý: jeke kýálikti, ýnıversıtetti bitirgeni týraly dıplomdy nemese oqý ornynan anyqtamany, túıindemeni júkteý qajet. 

2. Study plan jáne motıvatsııalyq hat jazý kerek.

3. Sońǵy kezeń – suhbat. Suhbattasý ýnıversıtettiń joǵary mektepteriniń ókilderimen ótkiziledi.

M. Narikbayev stıpendııasyna úmitkerler qabyldaý komıssııasyna tolyq keshendi testileýden ótkeni týraly sertıfıkat ótkizýi qajet. Bul sertıfıkat qoldanystaǵy qabyldaý talaptaryna sáıkes tańdalǵan bilim berý baǵdarlamasy úshin belgilengen shekti balǵa sáıkes kelýi tıis. 

Olımpıadaǵa qatysý sharttary týraly tolyǵyraq: https://lp.mnu.kz/olympiad