Mindetti avtosaqtandyrý qunyn esepteý kórsetkishteri bekitildi
Bıyl 29 tamyzda Qarjy naryǵyn retteý jáne damytý agenttigi «Kólik quraldary ıeleriniń azamattyq-quqyqtyq jaýapkershiligin mindetti saqtandyrý týraly» Qazaqstan Respýblıkasynyń Zańyna sáıkes kólik quraldary ıeleriniń azamattyq-quqyqtyq jaýapkershiligin mindetti saqtandyrý jónindegi saqtandyrý syılyqaqysyn esepteý úshin paıdalanylatyn targetteletin shyǵyn jáne anyqtyq faktorynyń 2025 jylǵa arnalǵan mólsherlerin bekitý týraly» №71 basqarmanyń qaýlysyn qabyldady.
«Máni 60-80% dıapazonynda bolýy tıis targetteletin shyǵyn mindetti avto saqtandyrý boıynsha shyǵynnyń nysanaly kórsetkishin sıpattaıdy. 2025 jylǵa targetteletin shyǵyn mólsheri ótken jyly anyqtalǵan deńgeıde saqtaldy jáne 65% mólsherinde belgilendi. Óz kezeginde, anyqtyq faktory – bul saqtandyrý boıynsha biryńǵaı derekqordyń paıdalanylatyn derekterine senimdilik dárejesin sıpattaıtyn koeffıtsıent», - delingen agenttik habarlamasynda.
Túzetý koeffıtsıentterin esepteý júrgiziletin saqtandyrý boıynsha biryńǵaı derekqordaǵy derekter sapasynyń jaqsarýyna baılanysty anyqtyq faktory ótken jylmen salystyrǵanda ulǵaıtyldy jáne 70% deńgeıinde bekitildi.
«Bul kórsetkishter budan ári mindetti avto saqtandyrý boıynsha saqtandyrý syılyqaqysyn esepteý úshin kólik quralynyń tirkelgen aýmaǵy boıynsha túzetý koeffıtsıentterin aıqyndaý úshin qoldanylady», - deıdi vedomstvodan.