MKK Reseı shekarasyndaǵy júk kóliginiń keptelisi jaıly: Júktiń qujattar paketi saı bolýy kerek
«21 mamyrdaǵy jaǵdaı boıynsha Reseıdiń Mashtakovo avtomobıl ótkizý pýnktinde Reseı Federatsııasynyń aýmaǵynda 365 júk kóligi tizilip tur . Osyǵan oraı, Memlekettik kirister komıteti halyqaralyq tasymaldaýshylarǵa jolǵa shyǵar aldynda Reseı Federatsııasymen shekaradaǵy qozǵalys baǵytyn aldyn ala túzetýge keńes berdi» delingen habarlamada.
Aıta ketý kerek, Reseı Federatsııasynyń «Mashtakovo» avtomobıl ótkizý pýnktinde júgi bar avtomobıl kólikterine qatysty tolyq tekserý úshin mindetti túrde tehnologııalyq ótý qajet. Tehnologııalyq ótý bolmaǵan jaǵdaıda Reseı Federatsııasynyń Shekara qyzmeti avtomobıl kólikteriniń júgin túsirip tekseredi, buǵan kóp ýaqyt ketedi.
«Sondaı-aq, Reseı Federatsııasynyń Shekara qyzmetiniń qyzmetkerleri kelesi qujattardyń bolýy úshin júgi bar avtomobıl kólikterine qatysty tekserý sharalaryn júrgizýde: kólik quralyna saqtandyrý polısi, júrgizýshi kartalary, sertıfıkattar. Osyǵan baılanysty, Qazaqstan Respýblıkasynyń «SYRYM« jáne Reseı Federatsııasynyń «MAShTAKOVO« avtomobıl ótkizý pýnkti arqyly kedergisiz ótý úshin júk kólik quraldaryn shekaralyq baqylaýdy júzege asyrý jaǵdaılaryn qamtamasyz etý úshin Tehnologııalyq ótkelderdi jabdyqtaý sharttaryn saqtaý qajet, sondaı-aq toqtap qalýdy boldyrmaý úshin halyqaralyq tasymaldaýshylarǵa kólik quraldaryn tıeý jónindegi usynymdardy jáne avtomobıl kólik quraldary men tasymaldanatyn júkterge tıisti qujattar paketiniń bolýyn saqtaý qajet.
Shyǵar aldynda SEQ qatysýshylaryna Reseı Federatsııasymen shekaradaǵy qozǵalys baǵytyn aldyn ala túzetýdi usynamyz» dep habarlady Memlekettik kirister komıteti.
Batys Qazaqstan oblysy boıynsha Memlekettik kirister departamenti eksporttyq baqylaý basqarmasynyń qyzmetkerleri «Syrym» avtomobıl ótkizý pýnktinde shtattyq rejımde jumys júrgizýde.