Mıtıng týraly zań «Halyq únine qulaq asatyn memleket» tujyrymdamasyna saı - Erlan Saırov

NUR-SULTAN. QazAqparat - Eýrazııalyq ıntegratsııa ınstıtýtynyń dırektory Erlan Saırov búgin Májilis maquldaǵan «Qazaqstanda beıbit jıyndardy uıymdastyrý jáne ótkizý tártibi týraly» zań jobasyna qatysty pikir bildirdi, dep habarlaıdy QazAqparat tilshisi.

«Bul zań jobasyn ázirleý jáne qabyldaý protsesiniń ózi «Halyq únine qulaq asatyn memleket» fılosofııasyna saı keledi. ıAǵnı, zań jobasynyń logıkasy qoǵam qajettiligine baılanysty ózgertiledi», - dedi ol QazAqparat tilshisine bergen suhbatynda.

Onyń atap ótýinshe, bastapqy ázirlengen zań jobasynyń tek ataýy ǵana qalyp, qujat tolyq ózgergen. Munyń barlyǵy atalǵan zańnyń azamattardyń qoldanýyna jeńil ári yńǵaıly bolýy úshin jasalyp otyr.

Sonymen qatar ınstıtýt basshysy bul zań jobasyn qabyldaý protsesiniń sozylyp ketýine qatysty da pikirin bildirip ótti.

«Demokratııa - bul kelisý men protsedýralar. Kelisý men protsedýralar kóp bolǵan saıyn zań jobasy qoldaný kezinde barynsha yńǵaly bola túsedi. Sondyqtan eger yryqtandyrýǵa qaraı qandaı da bir taǵy ózgertýler bolatyn bolsa, onda biz muny quptaımyz. Al dál qazirgi ýaqytta zań jobasy aqylǵa qonymdy jáne halyqaralyq standarttarǵa saı keledi dep aıta alamyz», - dedi Erlan Saırov.

Aıta keteıik, búgin Májilis depýtattary «Qazaqstanda beıbit jınalystardy uıymdastyrý jáne ótkizý tártibi týraly» zań jobasyna Parlament Senaty engizgen ózgerister men tolyqtyrýlardy qoldap, daýys berdi.