Mıssısıpı shtatynda kúdikti 6 adamdy atyp tastady

ASTANA. QazAqparat – AQSh-tyń Mıssısıpı shtatynda kúdikti 6 adamdy atyp tastady, dep habarlaıdy QazAqparat tilshisi euronews-ke silteme jasap.

Jergilikti quqyq qorǵaý organdarynyń dereginshe, bul oqıǵa halyq sany 300-den aspaıtyn Arkabýtla qalasynda bolǵan. Málim bolǵandaı, kúdikti dúkenge kirip, bir adamdy atyp, keıin sol aımaqta ornalasqan eki úıge qaraı bet alǵan. Artynsha ol jerdegi adamdarǵa da oq jaýdyrǵan.

Qazirgi tańda kúdikti qolǵa tústi. Onyń mundaı áreketke barýyna ne sebep bolǵany áli anyqtalǵan joq.

Aıta keteıik, bul - jyl basynan beri AQSh aýmaǵynda bolǵan 73-shi atys oqıǵasy.