Mysyrlyqtar qazaqtyń uly aqyny, kemeńger oıshyly Abaıdyń muralaryn nasıhattady

<p>KAIR. KAZINFORM &ndash; 12 tamyz &ndash; Mysyr premer-mınıstriniń qoldaýymen 11-shi Kaır halyqaralyq dástúrli óner jáne poezııa festıvali ótti.</p>

Mysyr Mádenıet mınıstrligi janynan qurylǵan arnaıy komıssııanyń sheshimimen Abaı Qunanbaıulynyń murasy «Adamzat órkenıetine qosqan úlesi» úshin arnaıy marapatqa ıe boldy.

Arnaıy eskertkish syılyq pen onyń kýáligi Qazaqstan Respýblıkasynyń Mysyr Arab Respýblıkasyndaǵy Elshiligine saltanatty túrde tabys etildi.

Halyqaralyq festıvaldiń negizin qalaýshy Intısar Abdel Fattahtyń habarlaýynsha, atalǵan festıvalge Japonııa, Kolýmbııa, Qytaı, Úndistan, Palestına, Ońtústik Sýdan, Mavrıtanııa ókilderi jáne Mysyrdyń ártúrli aımaqtarynan kelgen 30-dan astam shyǵarmashylyq toptar qatysty.

Barshamyzǵa málim, Pıramıdalar elinde 1998 jyly Kaır qalasynyń Maadı aýdanyndaǵy kóshege Abaı esimi berildi. Sonymen qatar 2016 jyldyń qazan aıynda Nil ózeniniń jaǵalaýynda ornalasqan álemge tanymal tulǵalarǵa arnalǵan halyqaralyq saıabaqta qazaqtyń uly aqyny Abaıdyń eskertkish bıýsti ornatyldy.

11-shi Kaır halyqaralyq dástúrli óner festıvaline qatysqan aqyn-jazýshylarǵa Qazaqstannyń Mysyrdaǵy Elshiligi arab tiline aýdarǵan Abaıdyń qara sózderi men basqa shyǵarmalary engen kitaptardy syıǵa taratty.

Sondaı-aq Elshilik Abaı Qunanbaıulynyń týyndylaryn dáripteıtin arnaıy eskertkish syılyq pen onyń kýáligin Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵyna tabystaıdy.