Mysyrda iri jol apatynan 32 adam qaza tapty

<p>Senbi kúni Mysyrdyń Býheıra provıntsııasy mańyndaǵy shól arqyly ótetin tasjolda bolǵan iri jol apatynan kem degende 32 adam qaza taýyp, 63 adam jaraqat aldy. Bul týraly Mysyr densaýlyq saqtaý mınıstrliginen habarlady. Kazinform agenttigi bul týraly <a href="https://russian.news.cn/20231029/3cdd254e9c8645439c4d345011dd667a/c.html" target="_blank" rel="noopener">Sınhýa</a> aqparat agenttigine silteme jasap habarlaıdy.</p>

Tergeý barysynda anyqtalǵandaı, jol apatyna Býheıra provıntsııasy mańyndaǵy Kaır-Aleksandrııa tasjolymen kele jatqan kólikten maı aqqan. Vedomstvonyń keıingi málimdemelerinde jolaýshylar mingen avtobýspen soqtyǵysqan kezde birneshe kólik órtengeni aıtylǵan.

«Jol apatyna barlyǵy 64 kólik ushyrady, onyń ishinde 29-y órtengen», - dep habarlaıdy memlekettik “Ál-Ahram” gazeti oqıǵa ornynda bolǵan derek kózine silteme jasap.

Zardap shekkenderdi qutqarý úshin 20 jedel járdem kóligi jiberildi, olardyń úsheýine oqıǵa ornynda alǵashqy medıtsınalyq kómek kórsetilgen.

Vedomstvo, sondaı-aq, qalǵan 60 zardap shegýshiniń jaqyn mańdaǵy qalalardyń aýrýhanalaryna jetkizilgenin qosyp ótti, al “Ál-Ahram” dárigerlerge silteme jasap, qaıǵyly oqıǵada qaza tapqandardyń kópshiligi balalar ekenin rastady.

Basylymnyń habarlaýynsha, jol apatyna qylmystyq is qozǵaldy.