Mysyr kepilge alynǵan tórt adamdy birneshe palestınalyq tutqynǵa aıyrbastaýdy usyndy

<p>ASTANA. KAZINFORM &ndash; Mysyr eki kúndik bitimge kelýdi usyndy. Onyń aıasynda Gazadaǵy kepilge alynǵan tórt adam Izraıl túrmelerinde otyrǵan birneshe palestınalyqqa almastyrylatyn bolady&nbsp;<a href="https://ru.euronews.com/2024/10/28/egypte-proposes-two-days-ceasefire?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">euronews</a><strong>.</strong></p>

Aljır prezıdenti Ábdelmadjıd Tebbýndy Kaırde qabyldaǵan Ábdel-Fattah as-Sısı usynysta palestınalyq tutqyndardy bosatý jáne Gaza sektoryna gýmanıtarlyq kómek jetkizý de bar ekenin málimdedi.

«Mysyr keıingi birneshe kúnde Gazadaǵy jaǵdaıdy ózgertip, atysty toqtatýǵa baǵyttalǵan bastama kóterýge áreket jasady. Onyń barysynda kepilge alynǵan tórt adamdy Izraıl túrmelerinde otyrǵan keıbir adamdarǵa aıyrbastaý kózdelgen. Odan keıin on kún ishinde atysty tolyqtaı toqtatyp, kómektiń kelýine jol ashý arqyly sektordaǵy protsedýralardy aıaqtaýǵa baǵyttalǵan kelissiózder júrgiziledi», - dedi Mysyr prezıdenti Ábdel Fattah as-Sısı.

Kelissózder jaqyn arada Katarda ótýi tıis bolǵandyqtan, Izraıl nemese HAMAS tarapynan dereý resmı jaýap kelgen joq. Alaıda Katardaǵy HAMAS saıası bıýrosynyń joǵary laýazymdy múshesi Hýssam Badran HAMAS-ty qoldaıtyn Shehab aqparat agenttigi taratqan málimdemede kelisimge kelý múmkin ekenin aıtty. Onyń sózderin ızraıldik aqparat quraldary keltirdi