TAShKENT. KAZINFORM — Ózbekstan astanasyndaǵy «Kóksaraı» rezıdentsııasynda BUU Bas hatshysy Antonıý Gýterrıshti álemde kelisim men yntymaqty belsendi ilgeriletýdegi eńbegi, uıym qyzmetiniń tıimdiligin arttyrý, sondaı-aq, Ózbekstan men BUU arasyndaǵy yntymaqtastyqty nyǵaıtý jolyndaǵy qyzmeti úshin Ózbekstannyń eń joǵary memlekettik nagradasynyń biri — «Olıı Darajalı Dўstlık» ordenimen marapattaý rásimi ótti.
Bul týraly Ózbekstan Prezıdentiniń baspasóz qyzmeti habarlady.
Marapatty tapsyrý kezinde Ózbekstan men BUU arasyndaǵy yntymaqtastyqtyń qazirgi joǵary deńgeıine Antonıý Gýterrıshtiń qosqan úlesi aıryqsha ataldy.
Foto: Ózbekstan Prezıdentiniń baspasóz qyzmetiBas hatshynyń jahandyq jáne óńirlik mańyzy bar keń aýqymdy reformalar men bastamalardy, sondaı-aq respýblıkadaǵy BUU ınstıtýttarynyń qyzmetin keńeıtýdi tolyq qoldaıtyny sóz boldy.
Foto: Ózbekstan Prezıdentiniń baspasóz qyzmetiBUU kóshbasshysynyń halyqaralyq qaýipsizdik pen turaqtylyqty nyǵaıtý, jahandyq basqarý ınstıtýttaryn reformalaý, turaqty damý maqsattaryna qol jetkizý, klımattyń ózgerýimen kúresý, «jasyl» jáne tsıfrlyq damý, azyq-túlik jáne energetıkalyq qaýipsizdikti qamtamasyz etýdegi uzaqmerzimdi kúsh-jigeri atap ótildi.
Foto: Ózbekstan Prezıdentiniń baspasóz qyzmeti
Jarasqan Nurybaev
Nurybaev Jarasqan Beknazaruly
1990 jyldyń 12 qańtarynda Ózbekstan Respýblıkasynda týǵan.
"Nızamı" atyndaǵy Tashkent Memlekettik Pedagogıka Ýnıversıtetiniń túlegi.
Gazet jáne telearnalarda tilshi ári telejúrgizýshi qyzmetin atqarǵan.
Birneshe Halyqaralyq aqyndar músháırasynyń júldegeri.
Qazirgi tańda QR Prezıdentiniń Teleradıokesheninde "Qazaqparat" HAA shyǵarýshy redaktory