Mırzıeev pen Lýkashenko «Nomad» pen «Hýmo» hokkeı komandalary arasyndaǵy kezdesýdi tamashalady

<p>TAShKENT. KAZINFORM &ndash; Ózbekstan prezıdenti Shavkat Mırzıeev pen Belarýs prezıdenti Aleksandr Lýkashenko Tashkenttegi &laquo;Hýmo Arena&raquo; sport kesheninde boldy.</p>

ÓR Prezıdenti baspasóz qyzmetiniń habarlaýynsha, Mırzıeev pen Lýkashenko Tashkenttiń «Hýmo» men Astananyń «Nomad» hokkeı komandalary arasyndaǵy kezdesýdi tamashalady. Oıyn sońynda arnaıy qonaqtarǵa aty-jóni jazylǵan hokkeı kıimderi tabys etildi.

Muz saraıyndaǵy bul kezdesýdiń tereń sımvoldyq máni bar ekeni habarlandy. Aleksandr Lýkashenko hokkeı jankúıeri, Belarýste bul sport túrin damytýǵa erekshe kóńil bóledi, ózi de muz aıdynyna birneshe ret shyqqan.

«Ózbekstanda qysqy sport túrlerin, onyń ishinde hokkeıdi damytý boıynsha úlken jumystar atqarylyp jatyr. 2019 jyly Memleket basshysynyń bastamasymen kópsalaly «Hýmo Arena» muz saraıy salyndy. Tashkenttiń «Hýmo» komandasy halyqaralyq jáne aımaqtyq jarystarda sátti óner kórsetýde, ásirese Belarýstyń Grodno qalasy «Neman» klýbymen laıyqty básekeles», – delingen habarlamada.

Aıta keteıik, Ózbekstan prezıdenti Shavkat Mırzıeevtiń shaqyrýymen Belarýs prezıdenti Aleksandr Lýkashenko 7-9 aqpanda resmı saparmen Ózbekstanda bolady. Sapardyń negizgi sharalary erteń, 8 aqpanǵa josparlanǵan.