Myrzaǵalı Aıtjanov qyzmetinen ketti: Boks federatsııasynda kadrlyq aýys-túıis
19:28, 14 Tamyz 2024
<p>ASTANA. KAZINFORM – Qazaqstan Boks federatsııasy Parıj Olımpıadasynyń qorytyndysy boıynsha keńes ótkenin málimdedi.</p>
Uıym bokstan erler komandasynyń bapkerlik quramy tolyǵymen jumystan shettetilgenin atap ótken.
Qazaqstan boks federatsııasynyń sheshimi Dene shynyqtyrý jáne sport isteri boıynsha komıtetimen maquldandy.
«Osylaısha, kelesi ózgerister jaıynda habarlaımyz:
1. Bas jattyqtyrýshy Myrzaǵalı Aıtjanov jáne bapkerlik quramdaǵy 10 maman, QBF vıtse-prezıdenti Azız Qojambetov qyzmetten bosatyldy.
2. Qazaqstannyń eńbek sińirgen jattyqtyrýshysy Tursynǵalı Edilov Qazaqstan boks federatsııasy prezıdentiniń keńesshisi qyzmetine taǵaıyndaldy.
Jańa bapkerlik quram keıinirek tanystyrylady», — dep jazdy federatsııadan.
Aıta keteıik, jaqynda ǵana federatsııa prezıdenti qazaq boksyna úlken reforma qajet ekenin málimdegen.