Mırta esimdi ıt Túrkııada bir adamdy qutqarǵan
«Astana qalasy tótenshe jaǵdaılar departamentine qarasty jedel qutqarý jasaǵynda kınologııa qyzmeti bar. Mırta osy qyzmettiń quramynda 6 jyl jyldan beri eńbek etip keledi. Óziniń jasy alty jarymda.
Ol Túrkııanyń Nurdaǵy qalasynda bir adamdy qutqardy. Qutqarýshylar úıindini biraz arshyp, qýys ashqannan keıin ıtti jiberip, ıis shaldyrady. Sondaı sátterdiń birinde Mırta tiri adamnyń jatqanyn anyqtap, birinshi belgi bergen bolatyn. Biz adam jetken jerdi belgilep, bólimsheniń komandırine baıandadyq. Ol qutqarýshylar tobyn bólip, adamdy úıindi astynan alý taktıkasyn pysyqtady. Osydan keıin qutqarýshylar adamdy arshýǵa kiristi. Al biz basqa ýchaskege aýystyq», - deıdi kınolog.
Ol Mırtany kúshik kezinen bastap ózi baýlyǵanyn aıtady.
«Maǵan ony dostarym syılaǵan bolatyn. Úıde ıt ustaýǵa jaǵdaıym kelmegendikten, osy qyzmetke berdim. Sodan beri «áriptesim» bolyp júr. Bul ıt bizge kelgennen beri tek tiri adamdardy ıisinen anyqtaýǵa mashyqtanǵan. Jalpy ıtter 8 jyl 8 aı qyzmet etkennen keıin qurmetti demalysqa jiberiledi. ıAǵnı, ıtke qamqor bola alatyn adam taýyp, soǵan tabystaımyz. Kúzet qyzmetine, basqa jumystarǵa tartýǵa jolǵa berilmeıdi. Buıyrsa, Mırta da 2 jyldan keıin demalysqa shyǵýy kerek», - deıdi Nıkolaı Popov.