Mınskide Uly Otan soǵysynda qaza tapqandar rýhyna taǵzym etildi

SK. 10 mamyr. QazAqparat /Aıtýar Mamlın/ - Mınskide Belarýstegi Qazaqstan elshiliginiń ókilderi Uly Otan soǵysy jyldarynda qaza tapqan qazaqstandyq jaýyngerlerge arnalyp ornatylǵan memorıaldy keshenge gúl shoqtaryn qoıý rásimin ótkizdi.

Belarýs respýblıkasyndaǵy Qazaqstannyń Tótenshe jáne Ókiletti elshisi Anatolıı Smırnov Ekinshi dúnıejúzilik soǵystaǵy jeńiske qazaqstandyqtardyń qosqan úlesin atap ótti. «Qazaqstan Uly Otan soǵysyndaǵy Jeńiske zor úles qosty. Soǵys maıdanyna bir mıllıonǵa jýyq qazaqstandyq attandy, onyń besten biri ǵana týǵan jerine oraldy. Sonymen qatar Qazaqstannyń taǵy bir úlesi, soǵys jyldarynda respýblıkaǵa qorǵanys ónerkásibiniń júzden astam kásiporny kóshirildi», - dep atap ótti A.Smırnov.

Qazaqstandyq dıplomat saltanatty sharaǵa qatysyp otyrǵan ardagerlerdi quttyqtap, olarǵa densaýlyq pen uzaq ǵumyr tiledi.