Mınskide Qazaqstannyń temirjol kóligin damytýǵa qosqan úlesi joǵary baǵalandy

ASTANA. QazAqparat - «Qazaqstan temir joly» UK» AQ delegatsııasy vıtse-prezıdent Arman Sultanovtyń basqarýymen Mınskidegi Temirjol seriktestigi uıymy (TJSU) temirjoldary Bas dırektorlarynyń (jaýapty ókilderiniń) XXXII Konferentsııasy otyrysyna qatysty, dep habarlıdy ultyq kompanııanyńbaspasóz qyzmeti.

Mınskige TJSU-na múshe memleketterdiń temirjol ákimshilikteriniń basshylary, ókilderi, TJSU komıteti, Temirjolshylardyń halyqaralyq odaǵy (TJHO), «Transsibir tasymaldaýdy úılestirý keńesi» Halyqaralyq qaýymdastyǵy (TTÚK) ókilderi keldi.

Otyrysqa qatysýshylar TJSU organdarynyń 2016 jyly atqarǵan jumystaryn qorytyndylady. Onyń ishinde júk jáne jolaýshylar tasymaly, ınfraqurylymy, jyljymaly quramy, aqparattardy kodtaý, qarjylyq jáne ózara eseptesý, kásibı mamandardy daıarlaý jaılary qaraldy.

Onyń syrtynda TJSU quramyna jańa múshelerdi tartý, halyqaralyq tikeleı baǵdarlar boıynsha Halyqaralyq úkimetaralyq konferentsııa barysynda qabyldanatyn Konventsııanyń mátini sóz boldy.

TJSU 2016 jylǵy jumys organynyń Baǵdarlamasy men jumys qorytyndysy tabysty aıaqtaldy dep atalyp ótip, esebi qabyldandy. TJSU 2018 jyly jáne aldaǵy jyldarǵa arnalǵan júk jáne jolaýshylar tasymaly, ınfraqurylymy, jyljymaly quramy, aqparattardy kodtaý, qarjylyq jáne ózara eseptesý, kásibı mamandardy daıarlaý jaılary jónindegi baǵdarlamasy bekitildi. Onyń syrtynda TJSU músheleri oryndaýy mindetti kepildemelik nusqaýlyǵy bekitildi. TJSU temirjol kóligine Ońtústik, Ońtústik-Batys jáne Ońtústik-Shyǵys Azııa elderimen seriktestik ornatýda tapsyrys berýshilerdi tartý jónindegi úılestirýshilik jumystary atalyp ótti.

TJSU qataryna birqatar kompanııalardy tartý týraly sheshim qabyldandy. Onyń ishinde «Birlesken kólik-logıstıkalyq kompanııa» AQ («BKLK» AQ), «INTERTRANS» AQ (RF), «SINOTRANS» AAQ, «Er ıÝan» «Qytaı ınjenerlik temirjol kompanııasy» AAQ, «Beıjiń kólik ýnıversıteti», «Ońtústik-Batys jol qatynasy ýnıversıteti» (QHR) bar.

«QTJ» UK» AQ vıtse-prezıdenti A. Sultanovtyń aıtýynsha, 2017 jyly kompanııanyń TJSU múshesi bolǵanyna 25 jyl tolady. Osy jyldary Qazaqstan Eýropa- Azııa-Eýropa baǵdarynda tasymaldaýdyń túrli halyqaralyq kelisimderine tolyqqandy qatysýshysyna aınaldy. «QTJ» temirjol jelisi úshin jańa temirjol dálizderi men baǵdarlary ashyldy. Halyqaralyq baǵdarlarda temirjol tasymaly kólemi kóbeıip, temirjol kóligi salasyn turaqty damytý aıasy keńeıdi.

«Otyrys barysynda Qazaqstannyń halyqaralyq kólik dálizine, tranzıttik- kólik áleýetin tıimdi paıdalanýǵa, TJSU qatysýshy elderdiń básekelestigin kóterý isine qosqan úlesin joǵary baǵalady»,-deıdi Sultanov.

Mınskide «QTJ» UK» AQ delegatsııasynyń jetekshisi Qytaı, Lıtva, Iran temirjol ákimshiligi ókilderimen kólik-logıstıka salasyndaǵy seriktestikti odan ári damytý jóninde ekijaqty kezdesýler ótti.

Sultanov otyrysqa qatysýshylardy Astanada ótetin «EKSPO-2017» Halyqaralyq kórmesine jáne H Astana ekonomıkalyq forýmy aıasyndaǵy IV halyqaralyq kólik-logıstıkalyq «New Silk Way» bıznes forýmyna qatysýǵa shaqyrdy.

TJSU Bas dırektorlary konferentsııasynyń kezekti otyrysy 2018 jyly sáýirde Vetnamda ótedi.