Mınskide Qazaqstan Prezıdentiniń kitaby tanystyryldy

ASTANA. QazAqparat - Belarýsta Qazaqstan Respýblıkasynyń osy eldegi Tótenshe jáne ókiletti elshisi Ermuhamet Ertisbaev Prezıdent Nursultan Nazarbaevtyń «Táýelsizdik dáýiri» kitabynyń tusaýkeserin ótkizdi, dep habarlaıdy QR SІM baspasóz qyzmeti.

Óz sózinde E. Ertisbaev aýdıtorııany kitaptyń negizgi mazmunymen tanystyrdy, ol ekonomıkalyq jáne saıası damýdyń «qazaqstandyq modeli», sondaı-aq Qazaqstan jańǵyrýynyń úsh tolqyny erekshe oryn alatynyn atap ótti.

Birinshi jáne ekinshi jańǵyrýlardyń arqasynda totalıtarlyq júıeni bólshekteý jáne naryqtyq ekonomıkany qurý, sonymen qatar álemniń 50 damyǵan eli qataryna merzimnen buryn kirýi sátti aıaqtalǵanyn atady. Úshinshi jańǵyrý jańa jahandyq máseleler jaǵdaılarynda, eldiń jańarýyna jáne gúldengen 30 memleketter qataryna jyljýǵa baǵyttalǵan. Prezıdent N.Nazarbaevtyń egemendi jáne turaqty Qazaqstannyń qalyptasýy men saqtalýyna baǵa jetpes róli men ornyna erekshe nazar aýdardy.

Bizdiń tarıhymyzdyń prızmasy arqyly tusaýkeser qatysýshylary keń aýqymdy máseleler boıynsha eki jaqty qatynastardyń jaı-kúıin talqylap,  Qazaqstannyń  Elshiligine «Táýelsizdik dáýiri» kitabymen tanysý múmkindigine alǵystaryn bildire otyryp, Qazaqstanǵa odan ári gúldenýin tiledi.

Tusaýkeserge Belarýs Respýblıkasy Ulttyq jınalysynyń depýtattary, sarapshylar qaýymdastyǵynyń ókilderi, ǵylymı jáne mádenı ortalyqtar men buqaralyq aqparat ókilderi  qatysty.