Mınskide 1 qarashadaǵy jappaı tártipsizdikterge qatysty qylmystyq is qozǵaldy

MINSK. BELTA – QazAqparat – Mınskide 1 qarashada bolǵan jappaı tártipsizdik faktileri boıynsha qylmystyq is qozǵaldy, dep habarlaıdy QazAqparat BELTA agenttigine silteme jasap.

«Tergeý deregi boıynsha, 1 qarashada astanada ruqsat etilmegen jappaı is-shara ótip, qoǵamdyq tártipti óreskel buzǵan júzdegen azamat ustaldy. Olardyń áreketi bılik ókilderiniń talaptaryna baǵynǵysy kelmegenin kórsetti jáne saldarynan qoǵamdyq kólik pen uıymdardyń jumysy buzyldy. Sondaı-aq qalanyń ınfraqurylymdyq nysandary men ishki ister qyzmetiniń kóligi búlindi», - dedi Tergeý komıteti músheleri.

Qylmystyq kodekstiń 342-baby 1-bóligi boıynsha qoǵamdyq tártipti óreskel buzatyn áreketti uıymdastyrý jáne oǵan belsendi qatysý faktisi boıynsha qylmystyq is qozǵaldy. Osy is boıynsha 231 adam kúdikti dep tanylyp, olardan jaýap alyndy.

Quqyqqa qaıshy áreketke qatysy bar basqa da adamdardy anyqtaý maqsatynda tergeý jáne jedel-izdeý jumystary júrip jatyr.

«Tergeý komıteti azamattardan taǵy suraıdy: jappaı tártipsizdikti uıymdastyrýshylardyń úndeýine aldanbańyz, áreketińizdiń saldaryn oılańyz. Zańdy buzǵandar jaýapqa tartylady», - dep atap ótti mekemedegiler.