Myńnan astam bilim alýshy Prezıdenttik stıpendııa ıegeri atandy

<p>Ǵylym jáne joǵary bilim mınıstri Saıasat Nurbektiń buıryǵymen 2023 jyly Prezıdenttik stıpendııa elimizdiń 55 joǵary oqý ornynda 1005 stýdent pen 7 magıstrantqa taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a>&nbsp;</p>

Ǵylym jáne joǵary bilim mınıstrligi baspasóz qyzmetiniń málimetinshe, bakalavr stýdentteri úshin Prezıdenttik stıpendııa mólsheri – 73 320 teńge, magıstranttar úshin – 173 974 teńge.

QR Prezıdenti stıpendııasynyń maqsaty – bilim alýshylardyń ǵylymı-zertteý jáne oqý-tanymdyq qyzmetin yntalandyrý, neǵurlym daryndy jáne qabiletti stýdentter men magıstranttardy qoldaý, sondaı-aq zııatkerlik áleýetti qalyptastyrýǵa járdemdesý. Stıpendıattar úshin irikteýdiń negizgi krıterııi – tek «óte jaqsy» (A, A -) oqý.

Sondaı-aq stýdentter men magıstranttardyń respýblıkalyq jáne halyqaralyq olımpıadalardaǵy, shyǵarmashylyq konkýrstardaǵy, sporttyq jarystardaǵy, festıvaldardaǵy jetistikteri eskeriledi.

Sonymen qatar ashylýlar men ónertabys avtorlary, ǵylymı eńbekter jınaǵynda, respýblıkalyq jáne halyqaralyq ǵylymı jýrnaldarda jarııalanymdary bar bilim alýshylar, jetistikteri dıplomdarmen, gramotalarmen, sertıfıkattarmen, kýáliktermen rastalǵan, ǵylymı-zertteý jumystarymen belsendi aınalysatyndar, bilim berý uıymdarynyń qoǵamdyq, mádenı jáne sporttyq ómirine qatysatyn bilim alýshylar stıpendııa ıegeri bola alady.

Prezıdenttik stıpendııa 3 kýrstan bastap kúndizgi bólimde oqıtyn stýdentterge jáne ekinshi kýrstan bastap magıstranttarǵa taǵaıyndalady.