Mınıstrlikter sheteldik ınvestorlardyń tizimin jasaqtaýdy keshiktirip jatyr – Joǵarǵy sot sýdıasy

<p>ASTANA. KAZINFORM &ndash; Joǵarǵy sottyń sýdıasy Nurjan Qaıypjanov mınıstrlikter sheteldik ınvestorlardyń tizimin jasaqtaýdy keshiktirip jatqanyn málim etti.&nbsp;jatqanyn málim etti.</p>

«Sheteldik ınvestorlardyń da qordalanǵan máseleleri óte kóp. Oǵan qatysý men týyndap jatqan daýlar barysynda kóz jetip otyr. Sol qordalanǵan máselelerdi sheshý joldary búgingi forýmda talqylanyp jatyr. Sonyń biri – ınvestıtsııalyq daýlardyń sýbektisi kimder bola alady degen másele. Bul ózi birneshe jyldan beri sheshilmeı keledi. Sebebi el ekonomıkasyna aqsha salyp jatqan árbir kásipker ózderin ınvestormyz dep esepteıdi. Olardyń qatysýymen týyndaǵan daýdyń bárin ınvestıtsııalyq daý retinde qaraý kerek pe, joq pa degen máseleniń áli kúnge deıin basy ashyq. Úkimet tarapynan da, mınıstrlikter tarapynan da bul áli sheshimin tappaı keledi. Sebebi biz ınvestorǵa kimder jatatyny áli aıqyn emes», - dedi Joǵarǵy sot sýdıasy.

Sondaı-aq, ol ınvestıtsııalyq daýlardyń sotqa jetkennen keıin nege uzaqqa sozylyp ketetinin aıtty.

«Mınıstrlikterdiń ınvestıtsııa tartýmen aınalysatyn komıtetteri bar, aktsıonerlik qoǵamdar bar. Solardyń bári áli kúnge deıin sheteldik ınvestorlardyń tizimin túzgen joq. Sol sebepten ınvestorlardyń qatysýymen týyndap jatqan daýlardy sotta sheshý máselesi sozbalańǵa salynady. Bul máseleni biz Úkimet tarapyna, mınıstrlikter aldyna árdaıym qoıyp kelemiz», - dedi Nurjan Qaıypjanov.