Mınıstrlik synybymen lagerge baratyn balalar úshin ushaq bıletin tegin etýdi usyndy

<p>Synyp jetekshisimen birge ózge óńirlerdegi lagerlerge baratyn balalar Kids go free baǵdarlamasy aıasynda tegin ushýy múmkin. Muny Ortalyq kommýnıkatsııalar qyzmetinde ótken brıfıngide Týrızm jáne sport vıtse-mınıstri Erjan Erkinbaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Búginde balalardyń ushaqpen tegin ushý baǵdarlamasy 18 jasqa tolǵandarǵa qatysty qoldanylady. Onda balalardyń sanyna shekteý joq. Degenmen olardyń ata-anasy, zańdy ókilderi erip júrýi tıis. Bul áýelden otbasylyq, toptyq týrızmdi damytýǵa baǵyttalǵan. Qazir balalar synyp jetekshisimen basqa óńirlerge lagerlerge barady. Tıisinshe, suranys artty. Osyǵan baılanysty biz Parlamentke usynys engizdik. Olar qoldap otyr. Bul sheshimdi sońyna deıin jetkizemiz. Kids go free baǵdarlamasy bir jetekshiniń nemese zańdy ókildiń erip júrýimen balalar toptaryna da múmkin bolady», - dedi Erjan Erkinbaev.

Onyń aıtýynsha, Kids go free baǵdarlamasy boıynsha 9 aıda 1800 bala tegin ushty. ıAǵnı, 800 qazaqstandyq otbasy el ishinde demalýǵa 80 mln teńge únemdedi.

Sonymen qosa osy brıfıngi barysynda Erjan Erkinbaev sheteldik týrıster aldanyp qalmas úshin keler jyldan QR-kod júıesi engiziletinin aıtty.