Mınıstrlik ókili qyzylsha aýrýynyń taralý jaǵdaıyna túsinik berdi

<p>ASTANA. KAZINFORM &mdash; QR Densaýlyq saqtaý vıtse-mınıstri &ndash; Bas memlekettik sanıtarııalyq dárigeri Aıjan Esmaǵambetova elimizde qyzylsha aýrýynyń taralýy jaǵdaıyna túsinik berdi.</p>

«Qyzylshany juqtyrý jaǵdaılary tirkelip jatyr. Byltyr jáne bıyl tıisti is-sharalar iske asyryldy, ıaǵnı 1,4 mln adamǵa ekpe salyndy. Balalar vaktsına aldy. Sonymen qatar, josparly vaktsınatsııalar eskerilgen. Munyń bári qyzylshaǵa qatysty jaǵdaıdyń ońalýyna yqpal etti», - dedi A. Esmaǵambetova Senatta tilshiler suraǵyna jaýap bere otyryp.

Vıtse-mınıstr aýrýdyń taraý qarqyny qanshalyqty báseńsigenin aıtty.

«Eger qyzylsha aýrýynyń taraý derekterine toqtalsaq, eń kóp taraǵan kez jeltoqsan aıy boldy. Qazir qyzylsha aýrýyna shaldyǵý kórsetkishi aı saıyn orta eseppen 30 paıyzǵa tómendep keledi. Al byltyrǵy jeltoqsan aıymen salystyrsaq, 2,2 esege tómendedi», - dep túsindirdi Aıjan Esmaǵambetova.