Mınıstrlik qyzylsha aýrýynyń jedel taralýyna ne sebep bolǵanyn túsindirdi

<p>Elimizdegi eki iri qala men eki oblysta qyzylsha aýrýy qarqyndy taralyp jatyr. Bul týraly Densaýlyq saqtaý birinshi vıtse-mınıstri Tımýr Sultanǵazıev aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Tek bıyl qyzylshamen aýyrǵandar sany 11 myńnan asyp tústi. Jalpy, syrtqanttanǵan adamdardyń 83 paıyzy 14 jasqa deıingi balalar. Olardyń basym bóligi, ıaǵnı 85 paıyzy ekpe almaǵan. Sondyqtan ekpeni nyǵaıtý boıynsha jumys jalǵasyp jatyr. Máselen, jaqynda ǵana Qazaqstannyń bas memlekettik sanıtar dárigeri Aıjan Esmaǵambetova balalarǵa qosymsha ekpe júrgizý týraly aıtqan. Bul rette, 6-11 aılyq sábıler men 2-5 jas aralyǵyndaǵy balalarǵa ekpe salynady», - dedi T. Sultanǵazıev Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, qyzylsha aýrýynyń taralýy boıynsha Almaty, Jambyl oblystary men Shymkent jáne Almaty qalalarynda jaǵdaı kúrdeli.

«Qyzylsha aýrýynyń taralýy barsha álemde baıqalyp otyr. Negizgi sebepterdiń biri - koronavırýsqa qarsy is-sharalar kezinde vaktsınatsııanyń júrgizilmeýi. Elimizdiń atalǵan óńirlerinde halyq tyǵyz ornalasqan jáne sáıkesinshe bala týý kórsetkishi de joǵary. Turǵyndar sanynyń kóp bolýyna baılanysty ondaǵy aýrýdy juqtyrǵandar sanynyń artqanyn baıqaýǵa bolady», - dedi vıtse-mınıstr.