Mınıstrlik elimizde qyzylshanyń taralýy qashan báseńdeıtinin túsindirdi

<p>Densaýlyq saqtaý vıtse-mınıstri, memlekettik bas sanıtar dáriger Aıjan Esmaǵambetova elimizde qyzylshanyń taralýy qashan báseńdeýi múmkin ekenin aıtty, dep habarlaıdy Kazinform agenttigi.</p>

«Bul jaǵdaı bárimizge qatysty, óıtkeni indetti toqtatýdyń jalǵyz joly - vaktsınatsııa. Endi bári negizgi sanatty, ıaǵnı qyzylshaǵa jıi shaldyǵatyn 5 jasqa deıingi balalardy qanshalyqty tez jáne uıymdasqan túrde qamtýymyzǵa baılanysty bolady. Jaǵdaıdy turaqtandyrýda osy is-qımyldarǵa nazar aýdaryp otyrmyz», - dedi A. Esmaǵambetova Senatta tilshiler suraǵyna jaýap bere otyryp.

Aıta keteıik, elimizde qyzylsha ınfektsııasynyń taralýyna qarsy jappaı ımmýndaý júrip jatyr. Búginde qosymsha vaktsınalaýǵa jatatyn 1,5 mln adamnyń 608 myńnan astamy egildi, qamtý 40,5% qurady.

Máselen, jyl saıyn 1 jáne 6 jastaǵy 700 myńǵa jýyq bala egiledi.

Budan buryn habarlanǵandaı, Qazaqstanda qyzylshadan eki bala kóz jumdy.