Mınıstrlikterdegi jaýapty hatshylar qysqartylady
«Jaýapty hatshylar ınstıtýtyna toqtalǵym keledi. Osy ınstıtýtty engizgen kezde olardyń aýyspaly bolmaýy mınıstrlerdi ákimshilik-kadrlyq jumystan bosatady, apparattyń turaqtylyǵyn qamtamasyz etedi dep qarastyrylǵan. Іs júzinde olaı bolmady», - dedi Prezıdent.
Sonymen qatar mınıstrler men jaýapty hatshylar arasynda ózara túsinistiktiń bolmaýy jaǵdaılary oryn alatynyn atap ótti.
«Nátıjesinde, ortaq iske nuqsan keltiriledi. Suraý bir adamnan bolýy kerek, ıaǵnı Prezıdent taǵaıyndaǵan mınıstr jaýapty bolýy tıis. Sondyqtan jaýapty hatshylar ınstıtýtyn qysqartý kerek. Olardyń mindetin mınıstrlikterdiń apparat basshylaryna júkteý qajet. Joǵaryda atalǵan usynystardy júzege asyrý úshin memlekettik qyzmet týraly zańnamaǵa jyl sońyna deıin túzetýler paketin qabyldaýdy tapsyramyn», - dedi Toqaev.