Mınıstrlikter úıinde sport zaldary ashyldy

ASTANA. QazAqparat - Mınıstrlikter úıi ǵımaratynda tórt sport zalyn uıymdastyrdy. Bul týraly QazAqparat QR Prezıdentiniń Іs Basqarmasyna silteme jasap habarlaıdy.

Memlekettik qyzmetshilerge arnalǵan densaýlyqty qoldaý jobasy bıyl Qazaqstanda 19 tamyzda atap ótiletin Sport kúni qarsańynda iske qosylyp otyr.

 «Zaldar jattyǵýdyń barlyq bulshyqet toptaryna arnalǵan qazirgi zamanǵy kardıotrenajer quraldarymen jaraqtandyrylǵan, dýsh kabınalary men kıim aýystyrý oryndary bar. Jattyǵýlar kásibı sport nusqaýshylarynyń súıemeldeýimen ótedi»,- delingen taratylǵan habarlamada.

Sport zaldarynyń ashylý saltanatyna Іs Basqarmasynyń apparat basshysy A.H. Ámirǵalıev, Eńbek jáne halyqty áleýmettik qorǵaý mınıstrliginiń jaýapty hatshysy A.D. Qurmanǵalıeva, Mádenıet jáne sport mınıstrliginen K.S. Ýálıev, Prezıdent Ákimshiligi men mınıstrlikterdiń memlekettik qyzmetshileri qatysty.