Mınıstrlik ujymy Memleket basshysy alǵa qoıǵan maqsattardy sheshýge jumyldyryldy - Á. Isekeshev
15:13, 06 Qarasha 2013
ASTANA. 6 qarasha. QazAqparat - QR Indýstrııa jáne jańa tehnologııalar mınıstrliginiń ujymy Memleket basshysy alǵa qoıǵan maqsattardy sheshýge jumyldyryldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda atalǵan vedomstvonyń basshysy Áset Isekeshev málim etti.
«20 kúnde mınıstrliktiń ujymy jumyldyrylyp, Memleket basshysy alǵa qoıǵan mindetterdi sheshý aıasyndaǵy máselelerge ekpin qoıdyq. Osy ýaqyttyń ishinde tıisti zerdeleý jumystary júrgizilip, sheshimniń tetikteri men algorıtmin daıarladyq, sondaı-aq laýazymdy tulǵalardyń, onyń ishinde óńirlik bılik organdarynyń, ulttyq kompanııalardaǵy, holdıngterdegi laýazym ıeleriniń jaýapkershiligi boıynsha birqatar sharalardy qabyldadyq», - dedi Á. Isekeshev. Sonymen qatar ol ÚIIDB-ny júzege asyrý kezeńinde ekonomıkada ońtaıly ilgerileý bolǵanyn sóz etti.