Mınıstrlik stantsııalar arqyly bólshek saýdaǵa shyǵarylatyn munaı ónimderine shekti baǵa belgilemek

ASTANA. QazAqparat – Energetıka mınıstrligine janarmaı quıý stantsııalary arqyly bólshek saýdaǵa shyǵarylatyn munaı ónimderine shekti baǵa belgileý quzyreti berilmek.

Bul týraly ashyq talqyǵa shyǵarylǵan vedomstvo basshysynyń buıryǵynda kórsetilgen, dep habarlaıdy QazAqparat tilshisi.

«Qazaqstan Respýblıkasynyń zańyna jáne Úkimet qaýlysynyń shekti baǵany aıqyndaý tártibin ázirleý jáne bekitý bóligine ózgerister engiziledi. Baǵalardy memlekettik retteý belgilengen statsıonarlyq avtojanarmaı quıý stantsııalary arqyly munaı ónimderin bólshek saýdada ótkizýge arnalǵan baǵalar aıqyndalady», - dep jazylǵan buıryqtyń jańa redaktsııasynda.

Toqtala keteıik, qoldanystaǵy zańnama talaptarynda mundaı norma joq. ıAǵnı, Energetıka mınıstrligi janarmaı quıý stantsııalary arqyly saýdalanatyn munaı ónimderiniń bólshek saýdaǵy quny úshin shekti baǵa bekite almaıdy.

Qujat 28 aqpanǵa deıin kópshilik talqylaýda bolady.