Mınıstrlik KazSat-2-men baılanystyń joǵalýyn ýaqytsha dep atady

ASTANA. QazAqparat - QR Qorǵanys jáne aeroǵarysh ónerkásibi mınıstrliginiń baspasóz qyzmeti KazSat-2 ǵarysh apparatymen baılanystyń joǵalýyn ýaqytsha jaǵdaı dep atady.

Búgin saǵat 08:22-de KazSat-2 ǵarysh apparatymen shtattan tys jaǵdaı tirkeldi. Búginde KazSat-2 ǵarysh apparatynyń resýrstaryn Qazaqstan Respýblıkasynda baılanys jáne telehabar taratýdyń 13 operatory qoldanady, qazir olardyń jumysy ýaqytsha toqtatyldy.  

Osy ýaqytta Respýblıkalyq ǵaryshtyq baılanys ortalyǵynyń mamandary spýtnıktiń qalypty jumysyn jáne baılanys operatorlary jelisiniń jumysyn retke keltirý úshin barlyq qajetti sharalardy jasaýda. Júrgizilip jatqan barlyq sharalar týraly qosymsha habarlanatyn bolady.