Mınıstrlik Qaraǵandy oblysyndaǵy kıik ólimine qatysty túsinikteme berdi

ASTANA. QazAqparat – Búgin, 26 maýsymda Qaraǵandy oblysy Nura aýdany Qaınar aýylynan batysqa qaraı 20 shaqyrym jerdegi Qulan ózeninen 86 bas kıik laqtarynyń óleksesi tabyldy. Ekologııa jáne tabıǵı resýrstar mınıstrligi osy oqıǵaǵa qatysty túsinikteme berdi, dep habarlaıdy QazAqparat.

«Ohotzooprom» ÓB» Ortalyq óńirlik fılıalynyń Qaraǵandy tirek pýnktiniń ınspektorlary sırek kezdesetin jáne joıylyp bara jatqan jabaıy tuıaqty janýarlardy jáne kıikti qorǵaý boıynsha Qaraǵandy orman sharýashylyǵy jáne janýarlar dúnıesi aýmaqtyq ınspektsııasy, sondaı-aq Tabıǵat qorǵaý polıtsııasy qyzmetkerlerimen birlesken is-sharalar júrgizý barysynda, Qaraǵandy oblysy Nura aýdany Qaınar aýylynan batysqa qaraı 20 shaqyrym jerdegi Qulan ózeninen barlyǵy 86 bas kıik laqtarynyń óleksesi tabyldy. Janýarlardyń ólekseleri buzylyp bastaǵandyqtan olardyń jynysyn anyqtaý múmkindigi bolmady, sondaı-aq teriniń joǵarǵy qabatynda oq izderi tabylmady (qylmystyq izder joq)», – dep jazylǵan mınıstrlik habarlamasynda.

Janýarlar ózennen ótken kezde sýǵa batyp ketken. Kıik ólekseleri sýdan alynyp, arnaıy polıgonǵa aparylyp, joıyldy.