Mınıstrlik elimizge jumys isteýge keletin mıgranttardyń sanyn azaıtpaq

ASTANA. QazAqparat – Eńbek jáne halyqty áleýmettik qorǵaý mınıstrligi «Qazaqstan aýmaǵyna sheteldik jumys kúshin tartýǵa 2023 jylǵa arnalǵan kvotany belgileý» týraly buıryqty jarııalady, dep habarlaıdy QazAqparat tilshisi.

Qujatta keler jyly sheteldikterdi jumysqa tartý úshin bólinetin kvota sany qysqaratyny kórsetilgen.

«Qazaqstan aýmaǵynda eńbek qyzmetin júzege asyrý úshin sheteldik jumys kúshin tartýǵa 2023 jylǵa arnalǵan kvota jergilikti atqarýshy organ jumys berýshilerge beretin ruqsat boıynsha 0,24% mólsherinde belgilensin. Eńbekshi kóship kelýshilerdi jumysqa tartý 3,2% mólsherinde bekitilsin» delingen ashyq talqyǵa shyǵarylǵan buıryqta.

Aıta keteıik, bıyl sheteldikterge bólingen kvota mólsheri - 0,31 paıyz bolǵan edi.

Al 2023 jyly mınıstrlik kvotanyń bul túrin 0,07 paıyzǵa qysqartýdy josparlap otyr.

Buıryqty ashyq talqylaý 30 qarashaǵa deıin jalǵasady.