Mınıstrlik: Bıyl dızelge buryn-sońdy bolmaǵan suranys bar

NUR-SULTAN. QazAqparat – QR Energetıka mınıstrligi Munaı tasymaldaý jáne óńdeý departamentiniń dırektory Baýyrjan Sálimgereev Ortalyq kommýnıkatsııalar qyzmetinde ótken brıfıngide dızel naryǵyndaǵy tendentsııalar týraly aıtty, dep habarlaıdy QazAqparat tilshisi.

Sonymen qatar bıyl dızel otynyn tutynýdyń aıtarlyqtaı ósýi baıqalyp, ásirese tamyzda suranys joǵary boldy. Tutyný kólemi 519 myń tonnaǵa jetti. Bul ótken jylmen salystyrǵanda 84 myń tonna, al 2019 jylmen salystyrǵanda 37 myń tonna artyq. Eldiń ishki naryǵynyń tarıhynda bir aıdaǵ mundaı rekordtyq kórsetkish tirkelip kórgen joq. Qyrkúıektiń birinshi jartysynyń qorytyndysy boıynsha biz tutynýǵa naryǵynda osyndaı jaǵdaıdy baıqadyq», - dedi departament dırektory.

Onyń aıtýynsha, tutynýdyń ósýine bir jaǵynan tranzıttik júk tasymaldarynyń maýsymdyq ulǵaıýy áser etken.

«Búgingi tańda Qazaqstanda dızel otyny kórshi elderge qaraǵanda arzan. Reseımen salystyrǵanda 90 teńgege, Ózbekstanmen salystyrǵanda 77 teńgege jáne Qyrǵyzstanmen salystyrǵanda 60 teńgege arzan. Aıyrmashylyqtyń joǵary bolýyna baılanysty bizde tranzıttik júk kólikteriniń bári bizdiń eldiń aýmaǵynda janarmaı quıady. Іri janarma quıý stansalarynyń aqparaty boıynsha, qalalyq stansalar shamamen 70% benzın men 30% dızel otynyn satady, al úzaq joldyń boıyndaǵy ornalasqan stansalarda kerisinshe dızel kóp satylady», - dedi Baýyrjan Sálimgereev.