Mınıstrlik Arystaǵy oq-dári synyqtaryna qatysty taraǵan vıdeoǵa túsinik berdi
«1 shildede áleýmettik jeliler men aqparat agenttikterinde Arys qalasynda tazartý barysynda jınalǵan oq-dári bólshekteri boıynsha vıdeo taraldy. Atalǵan fragmentterdiń jarylys qaýpi joq jáne arnaıy kúzetiletin aýmaqta ornalasqan. Bul jer osyǵan deıin áskerı ónimder fragmentterin ýtılızatsııalaý úshin paıdalanylyp keldi. Sondyqtan ýtılızatsııalaý beketindegi oq-dári synyqtary qaýip týdyrmaıdy. Vıdeo túsirilimi rejimdik nysanda júrgizilgenin jáne qaýipsizdik rejimin qamtamasyz etý salasyndaǵy qujattyń talaptary buzylǵanyn eskere otyryp, QR Qorǵanys mınıstrligi qyzmettik tekserýdi bastady», - delingen vedomstvo habarlamasynda.
Eske sala keteıik, QR Qorǵanys mınıstrligi Túrkistan oblysy Arys qalasynda jarylý qaýpi joq qarý-jaraq bólshekterin joıý boıynsha jumystardy bastady.
«Qurmetti Arys qalasynyń turǵyndary! Joıý kezinde jergilikti turǵyndarǵa qaýip keltirmeıtin qatty daýystar shyǵýy múmkin. Qorǵanys vedomstvosy dúrbeleńge túspeýdi suraıdy. Joıý kezinde barlyq qaýipsizdik sharalary saqtalady», - dep eskertti QR Qorǵanys mınıstrliginen.