Mınıstrlerge óz páterin jalǵa berýge ruqsat berilmekshi

<p>ASTANA. KAZINFORM &ndash; Úkimet múshelerine ózderine tıesili turǵyn úıdi jalǵa berýge ruqsat berilýi múmkin. Bul týraly Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulov aıtty.</p>

Májiliske zańnamanyń keıbir normalaryn Konstıtýtsııaǵa sáıkestendirýge arnalǵan zań jobasyn tanystyrǵan sheneýnik Úkimet múshelerine qoıylatyn talaptyń bir bóligi joıylatynyn aıtty.

«Úkimet týraly» Konstıtýtsııalyq zańda jáne «Sybaılas jemqorlyqqa qarys is-qımyl týraly» Zańda mundaı tyıym kózdelmegendikten «Memlekettik qyzmet týraly» zańnan Úkimet múshelerine ózderine tıesili turǵyn úıdi jalǵa berýge tyıym alynyp tastalady. ıAǵnı, Úkimet músheleri basqa saıası memlekettik qyzmetshilermen qatar ózderine tıesili úı-jaılardy jalǵa bere alady», - dedi ol.

Agenttik ókili ózge memlekettik qyzmetshilerde mundaı quqyq burynnan bar ekenin eske saldy.

«Sybaılas jemqorlyqqa qarsy is-qımyl» týraly Zańda memlekettik qyzmetshiler men olarǵa teńestirilgen adamdardyń senimgerlik basqarýǵa berilgen múlikten tabys alý quqyǵy bekitilgen bolatyn. Osyǵan uqsas norma «Memlekettik qyzmet týraly» Zańda bar jáne qoldanylady», - dedi Ulan Sarqulov.