Mınıstrler jáne ákimder ózine qolaıly adamdardy ǵana qyzmetke taǵaıyndaıtyn ádetti doǵarýǵa tıis
«Kelesi jyly biz ortalyqta jáne jergilikti jerde aýqymdy kadrlyq ózgeris jasaımyz. Bastyqtardyń únemi búıregi buryp turatyn adamdarymen qoshtasýyna týra keledi. Olardyń ornyn jańa kadrlar basady. Qazaqstanǵa tıimdi jumys isteıtin tehnokrattar qajet. Mınıstrler jáne ákimder ózine qolaıly adamdardy ǵana qyzmetke taǵaıyndaıtyn ádetti doǵarýǵa tıis. Mınıstrlikterdiń ózinde «kerek adamyn» taǵaıyndaý úshin zań talaptaryn attap ótetin nemese qalaýynsha ózgertip alatyn jaǵdaılar bar. Bul áreketter barlyq jerde kezdesedi», - dedi Memleket basshysy.
QR Prezıdenti jer ınspektsııasy, quqyq qorǵaý salasy, revızııalyq komıssııa jáne basqa da baqylaý organdary jergilikti bıliktiń yqpalynda bolmaýy kerektigin basa aıtty.
«Ádil báseke bolmasa, kásibı mamandar memlekettik qyzmetke qyzyqpaıdy. Daryndy jastar memlekettik qyzmetke kelýge qulyqsyz. Aımaqtarda tek sol óńirdiń azamattary jumys isteýi kerek degen qasań túsinikten arylý kerek. Adamnyń bilikti bolýy onyń týǵan jerine baılanysty emes. Jumystyń naqty nátıjesimen ǵana baǵalanady», - dedi Qasym-Jomart Toqaev.