Mınıstrler aldaǵy josparlarymen bólisti - aptalyq sholý
Aldaǵy alty aıdyń ishinde Aqparat jáne kommýnıkatsııalar mınıstrligi «Tsıfrly Qazaqstan» baǵdarlamasynyń jobasyn tolyǵymen ázirlep qoıýdy josparlap otyr. «Biz bıylǵy jyldyń maýsym aıynda «Tsıfrly Qazaqstan» memlekettik baǵdarlamasynyń jobasyn Úkimetke engizýdi josparlap otyrmyz. Tutastaı alǵanda, baǵdarlamanyń basty maqsaty - qazaqstandyqtardyń ómir sapasyn arttyrý ári ulttyq ekonomıkany tsıfrlandyrý. Qujatty júzege asyrý sheńberinde 2020 jylǵa deıin ınternet qoldanýshylardyń sanyn 80 paıyzǵa deıin arttyrý, turǵyndardyń 95 paıyzyn tsıfrlyq xabar taratýmen qamtý, azamattardyń tsıfrlyq saýattylyǵyn 80 paıyzǵa deıin arttyrý kózdelýde», - deıdi mınıstr Dáýren Abaev.
Dál osy «Tsıfrly Qazaqstan» baǵdarlamasy aıasynda el mektepterindegi árbir synypqa ishki Wi-Fi jelisin qosý josparlanyp otyr. Budan bólek, bilim jáne ǵylym mınıstri Erlan Saǵadıev mektepterde árbir oqýshyny jeke shkaftarmen qamtamasyz etpekshi. «Oqýlyqtardy, aıaq kıim men sporttyq jabdyqtardy saqtaý úshin mektep oqýshysyn jeke shkafpen qamtamasyz etý - álemdik tájirıbe. Bul jobany biz mektep dırektorlarymen, órt sóndirýshilermen, sanıtarlyq-epıdemıologııalyq qadaǵalaý salasynyń ókilderimen uzaq talqyladyq. Bul baǵyttaǵy qadamdar óz kezeginde kóptegen problemany sheshedi, onyń ishinde oqýshy rıýkzagynyń aýyrlyǵyn jeńildetedi. Árbir balada jeke shkafy bolýy tıis», - deıdi ol. Erlan Kenjeǵalıulynyń aıtýynsha, osy saladaǵy sharalar aǵymdaǵy jyly jergilikti atqarýshy organdardyń qarjysyna bastaýysh synyptarda bastalady. Al mektepte demeýshilik qarjyny paıdalaný boıynsha arnaıy ereje ázirlenedi. «Bilim berý uıymdarynda demeýshilik qarjy boıynsha máseleni retke keltirmekpiz. Osy oraıda óz erkimen qarjy bólgen demeýshilik pen alym-salyqtyń aralyǵyn naqty aıqyndamaqpyz. Bul óte úlken másele. Sondyqtan demeýshilik qarjyny paıdalanýdyń qaǵıdasyn ázirlep jatyrmyz. Mektepte qamqorshylyq keńesi qarjyny baqylaıtyn bolady. ıAǵnı, mindetti túrde jergilikti qoǵamdastyq pen ata-analar áleýmettiń aldynda mektep basshylyǵynyń esebi de eskeriledi», - dep atap kórsetti Saǵadıev.
Mádenıet jáne sport mınıstri Arystanbek Muhamedıuly bolsa, naýryz aıynda jańa «Elarna» kınotelearnasyn iske qosamyn deıdi. Atalǵan arnada otandyq kórkem jáne derekti fılmder, sondaı-aq serıaldar kórsetiledi. Sondaı-aq mınıstr myrza halyqty mádenıet pen ónermen barynsha sýsyndatý maqsatynda ondaı nysandarǵa kirýdi tegin qylý qajet dep sanaıdy. «Ár aıdyń úshinshi jeksenbisinde mýzeılerge jáne jylyna tórt ret teatrlarǵa, olar: dúnıejúzilik Teatr kúni, 27 naýryzda, Balalardy qorǵaý kúni, Bilim kúninde, Táýelsizdik kúninde tegin barýdy qamtamasyz etý usynylady. Sondaı-aq mektep demalystary sheńberinde oqýshylar úshin teatrlar men mýzeılerge tegin barý usynylady. Nátıjesinde jyldyń aıaǵyna deıin atalǵan mádenıet nysandaryna barý kórsetkishi 45 paıyzǵa deıin jetetin bolady», - dep atap ótti Muhamedıuly osy aptada ótken Úkimet otyrysynda.
QR Ulttyq ekonomıka mınıstri Tımýr Súleımenov te óz áriptesterinen qalǵysy kelmeıdi. Aǵymdaǵy jyly mamyr aıynda mınıstr Qazaqstannyń ulttyq eksporttyq strategııasynyń tujyrymdamasyn ázirlep berýge múddeli. Sonymen qatar Súleımenov eksport geografııasyn keńeıtý men oǵan qoljetimdilikti jaqsartý maqsatynda aǵymdaǵy jyldyń birinshi jartyjyldyǵy barysynda birqatar eldermen erkin saýda jóninde kelissózder jalǵasatynyn jetkizdi. Osy oraıda ol Úndistan, Mysyr, Sıngapýr, Serbııa, Izraıl jáne basqa da elder qamtylyp otyrǵandyǵyn atap ótti. Munymen qosa, QHR-men saýda-ekonomıkalyq yntymaqtastyq týraly kelisim baǵytynda da kelissózder júrgiziledi.
Al Qazaqstannyń Qorǵanys jáne aeroǵarysh ónerkásibi mınıstri Beıbit Atamqulov Qazaqstannyń «Kıberqalqan» júıesi qalaı jasaqtalyp jatqandyǵyn aıtyp berdi.
«Qazaqstannyń Kıberqalqany júıesi» elimizdiń aqparattyq jáne kıberqaýipsizdigi salasyndaǵy memlekettik organdarmen júzege asyrylatyn uıymdastyrýshylyq-quqyqtyq jáne uıymdastyrýshylyq-tehnıkalyq sharalardyń kesheninen, apparattyq-baǵdarlamalyq keshender men jobalarynan turady. Zańnamalyq bazanyń basym bóligi daıyndalyp bitti», - dedi mınıstr Úkimet otyrysynda. «Elektrondy shekara dep atalatyn kommýnıkatsııany basqarýdyń ortalyqtandyrylǵan júıesi bar, shıfrdi qoldanatyn zańsyz aqparatqa shekteý qoıatyn qaýipsizdik sertıfıkaty jasaldy», - deıdi ol.
Qoǵamdyq qaýipsizdikti saqtaý salasynda da biraz sharalardy atqarý josparlanǵan. Іshki ister mınıstri Qalmuxanbet Qasymovtyń aıtýynsha, respýblıka boıynsha beınebaqylaý kameralary men beınetirkeýishterdiń sanyn barynsha arttyrý josparlanyp otyr. Máselen, jol-patrýldik polıtsııa qyzmetkerleriniń beınetirkeýishterin osy aıda taǵy satyp alynbaq. «Ala taıaqtan» bas tartýǵa baılanysty jergilikti jerlerdegi jol-patrýldik polıtsııa qyzmetkerleri tolyǵymen jaryqshammen jabdyqtalǵan qolǵaptarmen, jaryq shaǵylystyratyn arnaıy formamen qamtamasyz etiledi. Sonymen qatar, ІІM jergilikti ákimdikterdiń qoldaýymen aýyldyq ınspektorlardyń kólikterin daýys zoraıtqysh qurylǵylarmen jabdyqtaýdy qolǵa almaq. Joldaǵy qaýipsizdikke baqylaý negizinen patrýldik kólikpen júrgiziletindikten, aımaqtarda avtopatrýl polıtseıleriniń sanyn ulǵaıtý josparlanyp otyr. Jergilikti jerlerde joldaǵy qaýipsizdik pen tártipti foto jáne vıdeotirkeý qurylǵylary arqyly qadaǵalaý óz jemisin beredi.
Olardyń tıimdiligi taıǵa tańba basqandaı anyq. Ótken jyldyń ózinde atalmysh qurylǵylar arqyly 900 myńǵa jýyq quqyqbuzýshylyq tirkeldi», - dep atap kórsetti Qasymov. Beınebaqylaý kameralaryn ornatý kezeń-kezeńmen júredi. Aldymen xalyq kóp júretin jerlerde: bazarlarda, saýda oryndarynda ornatylady.
Úkimet otyrysy aıasynda energetıka mınıstri Qanat Bozymbaev elimizde benzın ne sebepti qymbattaǵanyn da túsindirdi. «Sebepterdiń biri - ol rýblge shaqqandaǵy teńge baǵamynyń ózgerisi, ıaǵnı eki apta buryn oryn alǵan jaǵdaıǵa baılanysty. Importty benzın satyp alynǵan kezde, sáıkesinshe reseılik benzınge baǵa ósken bolatyn. Jalpy, ótken jyly teńge baǵamy rýblge qaraǵanda 20 paıyzǵa álsiredi. Osy oraıda rýblmen baǵa aıtarlyqtaı kóterilmeıdi, alaıda teńgege aýystyrǵanda, tutynýshyǵa qymbattaý túsetini baıqalady. Atap aıtqanda, bizdiń munaı óńdeýshi zaýyttar jumysyn istep jatyr, bul rette jospar boıynsha júrip jatyr. Qajetti kólemdi óndirýde. Sondyqtan janar-jaǵarmaı tapshylyǵy joq jáne bolmaıdy da», - dedi mınıstr Úkimet otyrysynan keıin.
Aıtpaqshy, osy aptadan bastap Úkimet jumysynda bir ózgeris baıqalyp otyr. Ol jerde Joldaýdy keńinen túsindirýge arnalǵan brıfııngter serııasy bastaldy.