Mınıstr jylý elektr ortalyqtarynyń tozýyna ne sebep bolǵanyn aıtty

ASTANA. QazAqparat – QR Energetıka mınıstri Bolat Aqsholaqov tozyǵy jetken jylý elektr ortalyqtarynyń jaı-kúıi týraly aıtty, dep habarlaıdy QazAqparat tilshisi.

«Elimizdegi jylý elektr ortalyqtarynyń 66 paıyzy tozǵan. Al keı óńirlerde 80-90 paıyzdan asyp túsedi. Onyń sebebi - qarajattyń durys bólinbeýi, ekinshi sebep - baqylaýdyń bolmaýy. Osy oraıda jylý elektr ortalyqtarynyń jumysyn qadaǵalaıtyn energobaqylaý komıtetiniń qyzmetin kúsheıtpekpiz. ıAǵnı, komıtetke JEO-yn ózdeginen teksere alatyndaı quzyret beriledi. Sol sııaqty elimizdegi jylý elektr ortalyqtaryn komıtetke berý jaǵyn usynyp otyrmyz. Qazir JEO jergilikti ákimdikterdiń qaraýynda», - dedi Bolat Aqsholaqov Jambyl oblysynyń óńirlik kommýnıkatsııalar qyzmetinde ótken baspasóz máslıhatynda.

Mınıstrdiń aıtýynsha, atalǵan usynystardy júzege asyrý úshin aldymen zańǵa ózgerister engizý qajet.

«Biz Úkimetke usynystarymyzdy jetkizdik, Odan ári qalaı bolatyny keler jyldyń birinshi toqsanynda belgili bolady», - deıdi ol.

Eske salsaq, eldegi qalalardyń jylý juıesine júrgizilgen taldaý qorytyndysy boıynsha 19 jylý elektr ortalyǵy «qyzyl» aımaqqa engizildi.