Mınıstr jýrnalısterge shabýyl týraly: Tapsyrys berýshiler ustalýy kerek

ASTANA. QazAqparat – Aqparat jáne qoǵamdyq damý mınıstri Darhan Qydyráli elimizde keıingi kezde BAQ ókilderine shabýyl jasalýyna qatysty pikir bildirdi, dep habarlaıdy QazAqparat tilshisi.

«Jalpy, aqparattyq shabýyldyń kóbeıgenin barshamyz bilemiz. Osyǵan baılanysty Memleket basshysy arnaıy tapsyrma berdi. Prezıdent oryndaýshylar men tapsyrys berýshilerdi anyqtaý kerektigin aıtty. Óz kezeginde Іshki ister mınıstrligi jedel izdestirý jumysyn júrgizdi. Keshe 18 kúdiktiniń ustalǵany aıtyldy. Іstiń mán-jaıyn Іshki ister mınıstrligi baıandaıdy dep oılaımyn. Óıtkeni, aqparattyq shabýyldy oryndaýshylar ǵana emes, tapsyrys berýshiler de ustalýy kerek», - dedi Darhan Qydyráli Úkimet otyrysynan keıin BAQ ókilderiniń saýalyna jaýap bere turyp.

Onyń aıtýynsha, atalǵan másele mınıstrliktiń baqylaýynda.

«Jalpy, aqparattyq shabýyldyń údegeni ras. Onyń sebebi tergeý amaldarynan keıin anyqtalady dep oılaımyn», - deıdi ol.

Aıta ketsek, kúni keshe Іshki ister mınıstrligi jýrnalıster men blogerlerge qatysty qylmys jasady degen kúdikpen 18 adamnyń ustalǵanyn habarlaǵan edi.