Mınıstr júk kólikteriniń artyq salmaǵyn ólsheıtin jańa júıege qatysty túsinik berdi

<p>ASTANA. KAZINFORM &ndash; QR Kólik mınıstri Marat Qarabaev júkti shamadan tys artyq tıep alatyn aýyr júk kólikterin baqylaý júıesine baılanysty pikir bildirdi.</p>

«Shynynda da kún jylyǵan kezde qurylysqa arnalǵan aýyr júkterdi tasymaldaıtyn aýyr kólikter kóbeıedi. Ekinshiden, qoǵammen aqyldasatyn másele bar. Bárin normatıvke sáıkestendirip jatsaq, óz kezeginde júrgizýshiler de ýájin aıtyp jatyr. ıAǵnı olar 8 tonnadan asyrmaý týraly talap júk tasymalynda qarjylaı paıda ákelmeıtinin atap ótti. Byltyr elimizdiń barlyq óńirine bardyq. Sol kezde júrgizýshiler ózderiniń usynystaryn zańdastyrýdy surady. Olar 2-5 tonna júkti artyq tıeýge múmkindik berip, tıisti qarajatty bıýdjetke tóleýdi usyndy. Qazir barlyq usynysty qarastyryp jatyrmyz», - dedi M. Qarabaev Parlament Májilisinde tilshiler suraǵyna jaýap bere otyryp.

Sonymen qatar ol Astana qalasyna kiretin joldardaǵa tıisti júıe ornatylyp jatqanyn eske saldy.

«Bul júıe nátıje beredi. Sebebi 6 beınekamera ornattyq. Máselen, elordaǵy jaqyn eldi mekenderde karerler bar. Sol karerlerden qalaǵa qum men usaq tas tasymaldanady. Atalǵan júıede adamı faktor joq. Júkti shamadan artyq tıegen kólikter avtomatty túrde ólshenedi jáne bul málimet «Sergek» júıesine túsedi. Osydan keıin aıyppul kólik ıelerine joldanady. 3-4 aıyppul tólegennen keıin, júrgizýshiler artyq júk almaýǵa tyrysady», - dedi mınıstr.

Aıta keteıik, aýyr karerlik júk kólikterine 2025 jyldyń aıaǵy men 2026 jyldyń basynda qazaqstandyq joldarmen júrýine tyıym salynýy múmkin.