Mınıstr JOO oqytýshylarynyń jalaqy stavkalaryn atady
«Rektorlardy taǵaıyndaýdyń jańa júıesi engizildi. Osy konkýrstyq júıe arqyly keıingi eki jylda rektorlar korpýsynyń 50-nan astamy jańartyldy. Konkýrstyq tártiptiń arqasynda ýnıversıtetter basshylyǵyna halyqaralyq tájirıbesi men ǵylymı áleýetteri bar álemdik úzdik joǵary oqý oryndarynyń túlekteri jáne «Bolashaq» baǵdarlamasynyń stıpendıanttary taǵaıyndaldy», - dedi Ashat Aımaǵambetov.
Onyń aıtýynsha, ár ýnıversıtette Provost ınstıtýty qurylyp, oqý oryndarynyń kadr rezervi de jasaqtalyp jatyr. Al basqarý júıesiniń transformatsııasy ýnıversıtetterde ınnovatsııalyq menedjmenttiń damýyna, sapasyn kóterip tıimdiligin arttyrýǵa áser ete bastaǵan.
«Bilim sapasy birinshi kezekte oqýshylardyń kásibı biliktiligine de baılanysty ekeni anyq. Sondyqtan áriptesterimiz úshin qolaıly jaǵdaı jasaý bizdiń basty nazarymyzda. Memleket basshysynyń tikeleı qoldaýynyń arqasynda bıyl qyrkúıek aıynan bastap oqytýshylardyń jalaqysy ortasha alǵanda eki esege jýyq kóterildi. Oqytýshylarǵa 1 stavkaǵa mınımaldy túrde 200 myń teńge, ǵylym kandıdattaryna 260 myń teńge, ǵylym doktorlaryna 350 myń, al ulttyq ýınversıtetterde 400 myń teńgege deıin jalaqy tóleý boıynsha sheshim qabyldandy», - dedi mınıstr.