Mınıstr JІÓ-niń qazirgi deńgeıin saqtaý úshin ne isteý kerektigin aıtty

NUR-SULTAN. QazAqparat – Mańǵystaý, Batys Kazaqstan, Almaty jáne Jambyl oblystarynda jalpy óńirlik ónim óspeýi múmkin. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Jalpy, bıylǵy 8 aıdyń qorytyndysy boıynsha birqatar kórsetkishte ornyqty serpin saqtalýda. Degenmen, tórt óńirde bekitilgen memorandýmdar aıasynda jalpy óńirlik ónimniń nysanaly ósýine qol jetkizbeý qaýpi bar. Olar - Mańǵystaý, Batys Kazaqstan, Almaty jáne Jambyl oblastary», - dedi ol.
Osyǵan baılanysty mınıstr jalpy ishki ónimdi aǵymdaǵy deńgeıde saqtaý úshin ortalyq jáne jergilikti atqarýshy organdar qandaı sharalarǵa basa nazar aýdarý qajettigin atady.
«Birinshiden, negizgi kapıtalǵa salynǵan jańa ınvestıtsııalardy tartýǵa naqty sharalar qabyldaý. Óıtkeni ınvestıtsııalar ekonomıkanyń ornyqty ósýi úshin negizgi shart bolyp sanalady. Ekinshiden, ekonomıka salalarynda qol jetkizilgen qarqyndy tómendetpeý. Úshinshiden, jalpy óńirlik ónimniń ósýin memorandýmdarda bekitilgen deńgeıden tómen emes mánde qamtamasyz etý. Tórtinshi mindet - óńirlerge astyqty jınaýdy ýaqtyly qamtamasyz etý jáne tutynýshylar taýarlaryna, ásirese kúzgi-qysqy kezeńde jemis-kókónisterdiń baǵasyna monıtorıngti kúsheıtý», - dedi Rýslan Dálenov.