Mınıstr jańa Ekologııalyq kodeks qandaı bolý kerektigin aıtty

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev elimizdiń jańa Ekologııalyq kodeksi qandaı bolýy kerektigin aıtty, dep habarlaıdy QazAqparat tilshisi.

«Eń aldymen Ekologııalyq kodeks - bul túbegeıli jańa, óte keshendi qujat. Ol bizge ekologııalyq problemalardy sheshýge ne bolmasa memlekettik organdarmen qatar lastaýshylardy da yntalandyrýǵa múmkindik beredi», - dedi mınıstr ekologııalyq kodeksti talqylaýǵa arnalǵan shara aıasynda.

Onyń sózine qaraǵanda, Ekologııalyq kodekste lastaýshy tóleýmen qatar tazalaýy da tıis delingen Ekonomıkalyq yntymaqtastyq jáne damý uıymynyń negizgi ustanymdaryn basshylyqqa alatyn bolady.

«Búgin atalǵan qujatty talqylap jatyrmyz. Jasyl, sonymen qatar ónerkásiptik uıymdardyń pikirlerin eskere otyryp ol belgili bir deńgeıde ózgeristerge ushyraıtyndyǵy túsinikti de. Ekologııalyq kodeks teńgerimdi bolýy tıis. Sebebi ol bizdiń ekonomıkamyzdy kórsetip jáne bizdi ekologııa turǵysynda aıtarlyqtaı ózgeristerge ákelýi tıis. Qujat taıaý kúnderdiń ishinde tyńǵylyqty zerlenbek. Odan keıin qujatty jeltoqsan aıynda Parlamentke engizý úshin barlyq múddeli uıymdarǵa, memlekettik organdarǵa kelisýge jiberemiz. Negizgi talqylaýlar Parlamentte ótedi», -dedi Maǵzum Myrzaǵalıev.