Mınıstr jańa Bıýdjet kodeksi salaǵa qandaı ózgeris ákeletinin aıtty

NUR-SULTAN. QazAqparat – Úkimet otyrysynda QR Ulttyq ekonomıka mınıstri Álibek Qýantyrov jańa Bıýdjet kodeksi salaǵa qandaı ózgeris ákeletinin aıtty, dep habarlaıdy QazAqparat tilshisi.

Aıtýynsha, jańa Bıýdjet kodeksi qoldanystaǵy bıýdjet júıesine negizdeledi jáne mynadaı:

- bıýdjettik rásimderdi ońaılatý;

- bıýdjet saıasatynyń shekti parametrleri týraly negiz qalaýshy normalardy bekitý;

- Ulttyq qor qarajaty esebinen qarjylandyrylatyn shyǵystardyń nysanaly maqsatyn aıqyndaý;

- bıýdjet qarajatyn basqarýdan nátıjelerdi basqarýǵa kóshý jáne t.b.

Bıýdjet protsesin bıýrokratııadan aryltý jónindegi zań jobasynyń erejelerin jańa Bıýdjet kodeksine ıntegratsııalaý usynylady.

Mınıstrdiń málimetine qaraǵanda, bızneske qoıylatyn retteýshi aktiler qaıta qaralyp jatyr.

«Búgingi kúni kásipkerlik sýbektileri qyzmetiniń 29 salasynan memlekettik organdar 6 salada taldaýdy aıaqtady.

Taldaý qorytyndylary boıynsha 6 salada 21 myńnan astam talap anyqtaldy, olardyń shamamen 16,5 protsenti jańa retteýshilik saıasattyń bazalyq sharttaryna sáıkes kelmeıdi jáne olardyń kúshi joıylady nemese qaıta qaralatyn bolady.

Qalǵan salalar boıynsha jumys kestege sáıkes jalǵasýda jáne 2023 jyldyń sońyna deıin aıaqtalady», - dedi Ulttyq ekonomıka mınıstri.

Foto: t.me/KZgovernment