Mınıstr tasqyn aýmaqtaryndaǵy úılerdi kóshirý týraly: Ákimdikter qysym jasamaýy kerek

<p>ASTANA. KAZINFORM &ndash; Úkimet otyrysynan keıin ótken brıfıngide Ónerkásip jáne qurylys mınıstri Qanat Sharlapaevqa Qostanaı oblysyndaǵy aýyl turǵyndarynyń shaǵymy jetkizildi.</p>

«Qostanaı oblysynda tasqyn saldyrynan sý basqan aýyldardan halyqty Arqalyq qalasynan úı alýǵa májbúrlep jatyr degen aqparat bar. Qanshalyqty ras? Sý basqan óńirlerdegi turǵyndardy basqa jerge kúshtep kóshirýge zańdy ma?» - dep surady jýrnalıst.

Qanat Sharlapaev mundaı áreket zańsyz ekenin aıtady.

«Joq, búginde mynandaı jumystar júrgizilip jatyr. Meniń málimetimshe, ákimdik 27 páterdi Arqalyq qalasynan satyp alǵan. Bul sý tasqynynan zardap shekkenderge arnalǵan. Bul ár adamnyń óziniń tańdaýy. Mysaly, ol Arqalyqqa kóshe me, aýylda qala ma? Bul sheshimdi adam ózi qabyldaıdy. Ákimdikten eshqandaı qysym bolmaýy kerek», - dedi mınıstr.