Mınıstr Tamara Dúısenovanyń shtattan tys keńesshileri taǵaıyndalady

ASTANA. QazAqparat - Gıýstava Rýssı klınıkasy onkologııalyq kampýsynyń Bas dırektory Aleksandr Eggermont (Frantsııa) pen Berlındegi ýnıversıtet janyndaǵy «Sharıte» medıtsınalyq kompleksiniń professory Gıýnter Hentse otandyq mamandarǵa Qazaqstandaǵy onkologııalyq qyzmetti damytýdyń Jol kartasyn jasaýǵa kómektesedi. Atalǵan kelisim QR DSÁDM-de ótken jumys barysyndaǵy kezdesýlerde QR Densaýlyq saqtaý jáne áleýmettik damý mınıstri Tamara Dúısenova men belgili professorlar arasynda jasaldy, dep habarlady vedomstvonyń baspasóz qyzmetinen.

Aleksandr Eggermontpen bolǵan kezdesýde QR DSÁM Ulttyq ǵylymı-medıtsınalyq ortalyq bazasynda súıek kemigin transplantatsııalaý bólimin ashý, sonymen qatar, patsıentterdiń aýrýyn jeńildetý baǵdarlamalary, hımıoterapııany daıyndaý men ótkizý, hımıoterapııaǵa arnalǵan preparattardy jasaýdyń ortalyqtandyrylǵan júıesin engizý máseleleri talqylandy.

Sondaı-aq, kezdesý barysynda taraptar targettik terapııany anyqtaý maqsatynda molekýlıarly-genetıkalyq, ımmýndy-gıstohımııalyq zertteýlerdi júrgizýge arnalǵan laboratorııany ashý múmkindikterin, memlekettik jeke menshik seriktestik aıasynda onkoklınıkalardy ashý, qazaqstandyq mamandardy MD/PHD jáne doktorantýra baǵdarlamalary boıynsha oqytý máseleleri qarastyryldy. Gıýnter Hentsemen kezdesý barysynda QR-daǵy balalardyń onkologııalyq qyzmetin jetildirý isi talqylandy. Oniyń ishinde onkologııamen aýyratyn balalar men olardyń ata-analaryna arnalǵan pansıonattar qurylysy, olarǵa pallıatıvtik kómek kórsetýdi jetildirý, Kıl qalasyndaǵy (Germanııa) referens-laboratorııada ımmýndyq-gıstohımııalyq zertteýlerdi rastaý, isikterdi vızýalızatsııalaý maqsatynda respýblıkalyq balalar medıtsınalyq uıymdaryn sapaly ári zamanaýı dıagnostıkalyq apparattarmen qamsyzdandyrý isi talqylandy. Kezdesýlerdiń nátıjesinde professor Aleksandr Eggermont Qazaqstandaǵy eresekterge arnalǵan onkologııalyq qyzmetti damytý boıynsha, al professor Gıýnter Hentse Qazaqstandaǵy balalar onkologııalyq qyzmetin jetildirý máseleleri boıynsha keńesshi qyzmetin atqarý týraly kelisildi. QR DSÁDM buıryǵymen eki professor mınıstrdiń shtattan tys keńesshileri bolyp taǵaıyndalady.